Íþróttaskóli ÍR fyrir 3-6 ára börn

Íþróttaskólinn er í boði 2 sinnum í viku frá september til maí. Skólinn hefur aðsetur í ÍR-heimilinu við Skógarsel 12. Best er að börnin séu berfætt og í þægilegum bol og buxum, ekki er þörf á sérstökum íþróttafatnaði. 3-4 ára börn eru saman í hóp og 5-6 ára saman. Yngstu börnin eru þau sem eru fædd árið 2006 og þau elstu eru börn úr 1. árgangi skólanna.
Í Íþróttaskólanum eru leystar ýmsar þrautir þar sem börnin reyna á jafnvægi, fín- og grófhreyfingar, samhæfingu, líkamlegan þroska sem og félagslegan. Þau læra að bera virðingu fyrir öðrum og vinna saman. Skynfærin þarf einnig að örva og samhæfa og í leikfimi sem þessari reynir á þau öll. Íþróttafræðingarnir Atli og Eyjólfur eru með hópana.

3-4 ára (´05-´06) eru á þriðjud. kl.16:00-16:40 og kl.16:40-17:20.
5-6 ára (´03-´04) eru á þriðjud. kl.17:20-18:00. 

Fyrsti tíminn er 1.september.

Verð fyrir áramót: 16 vikur 1 sinni í viku kosta 8.000 kr. (1.sept.-15.des.)
Verð eftir áramót: 18 vikur 1 sinni í viku kosta 9.000 kr. (5.jan.-11.maí.)

Sama verð og í fyrra. Allir fá gefins bol merktum Íþróttaskóla ÍR.

Nánari upplýsingar veitir Sigrún Gréta Íþróttafulltrúi ÍR í síma: 587 7080, netfang: sigrun@irsida.is.

Íþróttaskóli Grunnskólanna fyrir 6 ára börn

Íþróttaskóli Grunnskólanna er fyrir öll 6 ára börn og er umsjón þeirra í höndum viðkomandi hverfafélags, sem í okkar tilfelli eru við hjá ÍR. Skólinn er í boði 2 sinnum í viku strax að skóladegi loknum og er börnunum að kostnaðarlausu. Kennslan er eingöngu í höndum íþróttafræðinga.
Skólinn er starfræktur í íþróttahúsum grunnskóla barnanna og er um samvinnuverkefni ÍBR, Grunnskólanna, Frístundaheimilanna og ÍR að ræða.

Markmið skólans er að efla færni barna á sviði hreyfingar og félagslegra samskipta. Einnig leggur skólinn upp með að veita börnunum fjölþætt íþróttauppeldi, án áherslu á keppni eða eina íþróttagrein. Með því móti verða börnin hæfari við að velja íþróttagrein við hæfi síðar á lífsleiðinni.
Við leggjum upp með að börnin fái jákvæða upplifun á íþróttum og þar með lengja þann tíma sem þau koma til með að stunda íþróttaæfingar í skipulögðu starfi.

Þau börn sem EKKI eru í gæslu á Frístundaheimili eftir skóla þurfa foreldrar að skrá sérstaklega á skrifstofu ÍR í síma 587 7080 og um leið eru þau börn á ábyrgð foreldra á leið sinni til og frá íþróttahúsi.

Tímarnir eru sem hér segir:

Fellaskóli: - fyrsti timi 2.september
Miðvikud. kl. 13:50-14:30   og    fimmtud. kl. 13:50-14:30
Kennari Þorbjörg Sólbjartsdóttir

Hólabrekkuskóli: - fyrsti tími 31.ágúst
Mánud. kl. 14:20-15:00    og    föstud. kl. 14:20-15:00 - Báðir hópar
Kennarar Ómar Samir og Ólafur Sigurjónsson

Seljaskóli: - fyrsti tími 31.ágúst
Mánud. kl. 13:40-14:20   og  föstud. kl. 13:40-14:20
Mánud. kl. 14:20-15:00   og  föstud. kl. 14:20-15:00
Kennari Theódóra G. Rafnsdóttir

Ölduselsskóli: - fyrsti tími 31.ágúst
Mánud. kl. 14:15-14:55   og   fimmtud. kl. 14:30-15:10
Mánud. kl. 14:55-15:35   og   fimmtud. kl. 15:10-15:50
Kennari Eyjólfur Kolbeins

Nánari upplýsingar veitir Sigrún Gréta Íþróttafulltrúi ÍR í síma: 587 7080, netfang: sigrun@irsida.is.