Íþróttamenn ÍR 2012

Kjör íþróttakarls og íþróttakonu ÍR fór fram í gær. Arna Stefanía Guðmundsdóttir var kjörin íþróttakona ÍR og keilumaðurinn Hafþór Harðarson var kjörinn íþróttakarl ÍR. 
Arna Stefanía  vann besta afrek frjálsíþróttakvenna ÍR  samkvæmt alþjóðlegri stigatöflu árið 2011 þegar hún hljóp 400m innanhúss á 54,73 sek. Það er jafnframt þriðji besti árangur íslenskrar konu í þeirri grein frá upphafi. Hún vann til bronsverðlauna á Norðurlandamóti unglinga í sjöþraut í flokki 16-17 ára með 5337 stig. Keppti á Heimsmeistaramóti 17 ára og yngri í sjöþraut og var þar í baráttu 10 bestu lengst af en varð að sætta sig við 21. sæti af 40 keppendum eftir misheppnað langstökk í þrautinni. Arna hafnaði í 9.sæti í 400m hlaupi á Ólympíudögum Evrópuæskunnar í Tyrklandi. Varð fjórða á Norðurlandamóti unglinga í sömu grein og setti glæsileg Íslandsmet bæði innanhúss og utan í 400m hlaupum í flokki 16-17 ára.

Smellið á myndirnar til að sjá þær í fullri stærð.



Þau sem voru tilnefnd frá hverri deild;

Dansdeild: Lilja Rós Kristbjörnsdóttir og Erna Margrét Sigurðardóttir

Frjálsíþróttadeild: Einar Daði Lárusson og Arna Stefanía Guðmundsdóttir

Handknattleiksdeild: Davíð Georgsson og Sólveig Lára Kristjánsdóttir

Júdódeild: Gísli Haraldsson og Sigrún Ingólfsdóttir

Keiludeild: Hafþór Harðarson og Karen Rut Sigurðardóttir

Knattspyrnudeild: Stefán Þór Pálsson og Eva Dröfn Ólafsdóttir

Körfuknattleiksdeild: Sveinbjörn Claessen og Sæunn Elín Ragnarsdóttir

Skíðadeild: Sigurður Hauksson og Helga María Vilhjálmsdóttir

Taekwondodeild: Sigríður Stefanía Hlynsdóttir og Jóhann V. Gíslason