Leikur ÍR gegn FSU í IE-deildinni í körfubolta fluttur í Seljaskóla

Næsti leikur ÍR-inga í Iceland Express deildinni í körfubolta er mikilvægur heimaleikur gegn FSu næstkomandi föstudagskvöld, 5. mars kl 19:15. Þar sem salurinn í Íþróttahúsi kennaraháskólans er tvíbókaður á þessum tíma, hefur leikurinn verið færður í Íþróttahús Seljakóla, á gamla, góða heimavöllinn okkar. Þrátt fyrir að parkett sé enn ekki komið á gólfið þar, ætla menn að láta slag standa og spila leikinn á dúknum. Leikurinn gegn FSU er gríðarlega mikilvægur, því er hvert stig farið að skipta miklu máli í baráttunni. Leikmenn og stjórn skora því á alla stuðningsmenn að fjölmenna í Seljaskólann á föstudagskvöldið og hvetja strákana til sigurs.

« Til baka