Sjoppumál á Bikarmóti

Þar sem ÍR er að halda svona stórmót í fyrsta skipti þá verðum við foreldrar að hjálpast að með að standa vaktina í sjoppunni.
Ljóst er að þetta er sannkallað stórmót og eru um 200 manns skráðir í keppni.  Á laugardag byrjar keppnin kl. 9 og stendur væntanlega fram til kl. 18.  Þá eru 130 keppendur skráðir.  Á sunnudag byrjar keppnin kl. 9 og klárast trúlega uppúr kl. 17.
Þetta kallar á viðveru okkar báða dagana og til að öll vinnan lendi ekki á örfáum aðilum verð ég að kalla eftir ykkar hjálp við að baka og hjálpa til í sjoppunni, tína rusl og fleira tilfallandi þessa daga.  Við munum einnig sjá um hádegismat fyrir dómara og starfsfólk c.a. 30 manns.

Við ætlum selja samlokur, kleinur, ávexti, gos og hvers kyns bakkelsi sem þið getið töfrað fram þessa daga, gjarna mætti það vera eitthvað sem allir borða og auðvelt er að búa til eins og muffins og skúffukökur. Sum ykkar eru eflaust líka flink að gera ostaslaufur og pizzusnúða og væri ekki verra að fá svoleiðis.

Ég myndir gjarnan vilja að þið senduð mér póst yfir ykkar framlag í bakstri og sjoppu og þá myndi ég gjarnan miða við að hvert foreldri stæði í sjoppunni c.a.3 - 4 tíma eða eins og hægt er og sendi mér uppl. um hvorn daginn þið mynduð vera og á hvaða tímabili.

T.d.   Elfa s. 6623474 mamma Klöru  kem með 1 skúffuköku og 20 muffins á laugardag og ætla að vinna sunnudag kl. 11 - 14.

Ég myndi gjarna vilja fá allar veitingar sem þið ætlið að koma með uppí Austurberg á meða á mótinu stendur.
Ef þið þekkið einhvern sem gæti reddað mjög ódýru eða gefins nammi eða einhverju til að selja væri það frábært !

Við ætlum að hittast á morgun kl. 17:30 í ÍR heimilinu og klára að raða okkur á vaktir og væri frábært ef þið sæjuð ykkur fært að mæta og hitta okkur sem þegar hafa meldað sig í fjörið.

Keppendum er skipt uppí flokka og misjafnt hvenær krakkarnir mæta og verður það kynnt fyrir ykkur fljótlega af þjálfurum. 

Með von um fljót og góð viðbrögð.
Margrét Elfa
s. 6623474
elfa@skotvis.is

Bikarmót TKÍ Austurbergi 21. og 22. janúar 2012

Annað TKÍ Bikarmótið fyrir veturinn 2011/2012 Bikarmótið verður haldið í Íþróttamiðstöðinni Austurbergi, Breiðholti, dagana 21. og 22. janúar næstkomandi. Mótið hefst kl 9.00. Cadet hópur keppir á laugardeginum á þremur gólfum, einu poomsae og tvem sparring. Á sunnudeginum keppa minioir, junior, senior og superior á tvem gólfum. Mótstjórn áskilur sér rétt til að breyta þessu fyrirkomulagi í samræmi við skráningar. Í yngri flokkunum á laugardag verður leitast við að skipta keppendum í 4 manna hópa sem keppa í sparring en í poomsae keppa tveir hópar saman (8 iðkendur) . Á sunnudeginum verður leitast við að fara eftir reglum WTF í flokka skiptingu og mótsfyrirkomulagi, svo framarlega sem það er hægt, bæði í sparring og poomsae. Skráningafrestur er á miðnætti föstudaginn 13. janúar. Senda skal skráningu á netfangið sigridursh@gmail.com

Kjör á Íþróttamanni og Íþróttakonu ÍR fyrir árið 2011

Sunnudaginn 22.janúar kl.13:00 fer fram kjör á íþróttamanni- og konu ÍR fyrir árið 2011. Einnig verða kjörnar bestu íþróttakonur og íþróttamenn allra deilda félagsins. Kjör þetta verður það 20. í röðinni og fer fram með viðhöfn í ÍR-heimilinu, 2.hæð.
Léttar veitingar verða í boði og eru allir velkomnir.
Við hvetjum ÍR-inga og aðra velunnara félagsins til þess að mæta og heiðra þetta frábæra íþróttafólk.

Skráning iðkenda komin á fullt

Núna eru æfingar að hefjast aftur eftir jólafrí og hægt er að skrá og borga á námskeiðin á skráningarsíðu okkar ( muna samþykkja skilmála fyrst ).

Greiðslur með Frístundakorti eru samtengdar kerfinu svo að það er létt mál að ráðstafa styrknum og fara svo aftur inní skráningarsíðuna og haka aftur við Frístundakortið og klára greiðsluferlið.

Greiðslur með kreditkorti og Frístundakorti gerið þið sjálf.  Ef greiða á með öðrum hætti þarf að hafa samband við skrifstofu ÍR á skrifstofutíma kl. 10:00 – 16:00 s. 587 7080 / 587 7090.

Mjög góðar leiðbeiningar um skráningarferlið eru á heimsíðu ÍR.

 

Sérstakur skráningardagur fyrir þau ykkar sem þurfið aðstoð við skráningu verður hér í ÍR heimilinu í 16. janúar kl. 18 – 20.

 

Foreldrar, fjölmennum svo á hinn margumtalaða Þorrafagnað sem haldinn verður í Íþróttahúsi Seljaskóla 28. janúar n.k.  Frábærir skemmtikraftar halda uppi fjörinu og maturinn frá Múlakaffi klikkar ekki.

Við hvetjum alla foreldra til að taka kvöldið frá og skemmta sér í góðum hópi ÍR - inga.

ATH. 18 ára aldurstakmark.

 

 

Mjög mikilvægt er að gengið sé sem fyrst frá skráningu, ef ekki er búið að ganga frá skráningu er ekki mögulegt að skrá viðkomandi iðkenda á mætingalista eða taka þátt í keppni á vegum félagsins.  Vinsamleg tilmæli til forráðamanna eru að skrá iðkendur fyrir 20. janúar nk.