15.2.2010
Jafnréttisverðlaun KSÍ voru veitt í annað skiptið á ársþingi KSÍ 13. febrúar sl. Að þessu sinni voru það tvö félög sem fengu viðurkenningu en það voru ÍR og ÍA. ÍR fékk viðurkenninguna að þessu sinni fyrir aðgerðaráætlun gegn einelti en þessi áætlun tók gildi þann 1.desember sl.
Það er gaman að segja frá því að ÍR fékk einnig jafnréttisverðlaun KSÍ árið 2009 og hefur því fengið þau í þessi tvö ár sem þau hafa verið veitt.
12.2.2010
Miðvikudaginn 10. febrúar var kynntur úrtökuhópur fyrir U-19 ára landslið Íslands í knattspyrnu karla. ÍR-ingar eiga þar hvorki meira né minna en þrjá fulltrúa en fá lið geta státað af slíkum árangri. Þetta eru ÍR-ingarnir Sindri Snær Magnússon sem er fæddur 1992 og þeir Brynjar Örn Sigurðsson og Jón Gísli Ström og eru þeir fæddir 1993. Þetta sýnir hversu vel er staðið að málum innan yngri flokka hjá ÍR.
Óskum við þeim þrímenningum til hamingju með þennan árangur.
30.1.2010
Kæru foreldrar/forráðamenn/iðkendur og velunnarar.
Fimmtudaginn 11.febrúar verður hið árlega unglingadómaranámskeið KSÍ og ÍR haldið í ÍR-heimilinu kl 19:00. Allir áhugasamir foreldar, iðkendur og félagsmenn eldri en 15.ára sem hafa áhuga á dómarastörfum og vilja gefa kost á sér til að dæma fyrir félagið í yngriflokkum félagsins eru hvattir til að skrá sig á námskeiðið.
1.12.2009
Allar æfingar falla niður í dag vegna vallaraðstæðna, en gervigrasið er mjög hált. Við vonumst til þess að þetta lagist sem allra fyrst þ.e. að það bráðni af honum sem fyrst.
30.11.2009
Í kjölfar fráfalls Hlyns Þórs Sigurðssonar mun ÍR bjóða iðkendum sínum í einkaviðtal hjá sálfræðingi sem kemur frá Þjónustumiðstöð Breiðholts. Þetta atvik er mikið áfall fyrir okkur og nauðsynlegt er að við tjáum okkur um líðanina og fáum leiðbeiningar um framhaldið frá fagaðila.
Iðkendur og foreldrar geta komið í ÍR -heimilið á milli kl.17 og 18 miðvikudaginn 2.des. og fimmtudaginn 3.des. Viðtölin fara fram í fundaherbergi á 2.hæð.
20.11.2009
Líkt og 2.flokkur karla þá vann A.lið 4.flokks karla Haustmót KRR eftir úrslitaleik við nágranna okkar úr Víking laugardaginn 14.nóvember. Leikurinn var mjög jafn, bæði lið fengu nokkuð af færum og markmenn vörðu vel. Staðan var 0-0 í hálfleik og allt stefndi í að leikurinn myndi fara í framlengingu. Það var síðan Benedikt Óli Sævarsson sem skoraði sigurmarkið fyrir ÍR þegar um mínúta var eftir af venjulegum leiktíma, með skoti utarlega í vítateig sem endaði í markvinklinum.
26.10.2009
Lokahóf knattspyrnudeildar Íþróttafélags Reykjavíkur var haldið í ÍR-heimilinu laugardaginn 12.september síðast liðinn. Fjölmenni mætti á ÍR-svæðið og Guðmundur Sigurðsson formaður barna og unglingaráðs knattspyrnudeildarinnar setti hátíðina formlega. Í kjölfarið kom hver flokkur upp til að fá gjöf frá knattspyrnudeildinni fyrir þátttöku sína á þetta árið.
28.9.2009
Uppskeruhátíð fyrir eldriflokka, foreldra, forráðamenn og aðra velunnara verður haldinn laugardaginn 3. október næstkomandi. Miðar verða seldir hjá Braga í Leiksport til kl 18:00 föstudaginn 2.september eða á meðan sæti leyfa. Miðaverði er stillt í hóf. Eftir borðhald verður húsið opnað! Ath eins og undanfarin ár þá verður margt um manninn og því viljum við hvetja ykkur til að kaupa miða tímanlega. Sjá auglýsingu hér fyrir neðan.
17.9.2009
Knattspyrnusamband Íslands vill vekja athygli þjálfara, félaga og allra þeirra sem koma nálægt barna og unglingastarfi félaga á rannsókn sem nýverið var gerð um tengsl fæðingardags á brotfall úr knattspyrnu. Rannsóknina og niðurstöður hennar má sjá hér í viðhengi.
Rannsóknina unnu þeir Jakob Leó Bjarnason og Vilberg Sverrisson, nýútskrifaðir íþróttafræðingar frá Laugarvatni.
Þetta er mikilvægt málefni er varðar okkur öll. KSÍ hvetur því félög og þjálfara eindregið til að kynna sér þessa rannsókn og niðurstöður hennar.
Hér má sjá
rannsóknina.
15.9.2009
