Kjúklingarnir sendir í MÓSÓ, komu heim sem HANAR. 1-2 útisigur gegn sterku liði Aftureldingar.

Í gær laugardaginn 1. júní fóru strákarnir okkar á kostum á móti Bossablossum í Mosfellsbæ. Lið Aftureldingar var fyrir þennan leik talið eitt af sterkari liðinum í deildinni. Það er því ljóst að þessi 3 stig sem strákarnir sóttu í Mosfellsbæinn verða mikilvæg í baráttunni í 2. deildinni. Lið ÍR ætlaði að liggja til baka og beita skyndisóknum á móti spræku liði Aftureldingar. Veðuraðstæður til knattspyrnuiðkunnar voru ágætar, völlurinn var mjög blautur og það sást í leiknum þar sem leikmenn áttu stundum erfitt með að fóta sig.

ÍR sigur í 3. umferð 2. deildar Íslandsmótsins.

Í gær fimmtudaginn 23. maí spilaði meistaraflokkur karla við Ægi frá Þorlákshöfn. ÍR liðið náði að landa flottum 2-1 sigri á spræku liði Ægismanna.

Tap í 2. umferð Borgunarbikarsins á móti Selfoss mánudaginn 13. maí 2013.

ÍR tekur á móti Selfoss í Borgunarbikarnum á morgun mánudaginn 13. maí kl. 19:00 í HERTZ-búrinu. ALLIR að mæta!

ÍR – SELFOSS

Á morgun mánudaginn 13. maí mun meistaraflokkur karla spila við SELFOSS í BORGUNAR-bikarnum á. Leikurinn hefst stundvíslega kl. 19:00 og verður spilaður inni í HERTZ-búrinu. Við hvetjum alla til að mæta í bláu og hvítu!
Látum okkar stuðning ekki vanta! Sjáumst á vellinum!

Athugið að árskort gilda ekki inn á bikarleiki!

Miðaverð verður 1000kr!

Kl. 18:00 mun Arnar Þór Valsson þjálfari meistaraflokks vera með smá kaffi fund fyrir stuðningsmenn ÍR.  Þar ætlar ætlar hann að teikna upp byrjunarliðið og segja hvaða áherslur hann leggur upp með í leiknum. Þar mun hann fara yfir leiksskipulag og hvernig strákarnir stefna á 32. liða úrslitin í borgunarbikarnum. Þetta verður c.a. 20 mín fundur fyrir þá sem vilja koma og kynna sér meistaraflokkinn þetta árið. Einnig er velkomið að spyrja spurninga um komandi leik eða byrjunarliðið. Við viljum hafa þetta opið og skemmtilegt, því við erum jú í þessu sporti til að skemmta okkur.

Við hvetjum ykkur í að taka með ykkur alla þá ÍR-inga sem þið þekkið og hafa áhuga á að fá innsýn í komandi leik.

Hlökkum til að sjá ykkur sem flest og auðvitað í BLÁU.

Kveðja knattspyrnudeild ÍR.

Subway-mót 5. flokks ÍR

Fyrsta Subway-mót 5. flokks karla hjá ÍR fór fram á Hertz-vellinum í Mjóddinni á uppstigningardag.  Tíu félög voru skráð til keppni og voru þau, auk gestgjafanna: ÍA, Keflavík, Afturelding, Álftanes, Hrunamenn, Reynir í Sandgerði, Haukar, Njarðvík og Hamar. Leikið var í A, B, C og D-liðum, en misjafnt var hversu mörg lið komu frá hverju félagi.   Hvert lið var skipað sex leikmönnum (auk varamanna) og var hver viðureign háð á fjórðungi venjulegs knattspyrnuvallar.

Sigur hjá meistaraflokki ÍR í fyrsta knattspyrnuleik sumarsins í 2. deild karla 2013.

Meistaraflokkur karla í knattspyrnu vann sinn fyrsta leik í 2. deildinni í kvöld þegar þeir tóku á móti Gróttu frá Seltjarnarnesi. Leikurinn var spilaður í Hertz-búrinu þar sem aðalgrasvöllurinn er ekki komin í stand. Leikurinn var jafn framan af en þegar líða tók á leikinn þá voru það okkar menn sem voru mun sprækari. Eftir 90 mínúntna leik + nokkrar mínútur í uppbóta tíma þá fékk ÍR víti eftir að boltinn fór í hönd eins leikmanns Gróttu. Góður dómari leiksins dæmdi því réttmæta vítaspyrnu,  Kristján Ari Halldórsson steig á punktinn og skoraði örugglega úr spyrnunni. Leikmenn Gróttu náðu varla 2 sendingum áður en dómari leiksins flautaði leikinn af. 1-0 sigur staðreynd og fyrstu stigin í hús fyrir framan um það bil 200 áhorfendur. Það var frábært að sjá svona marga ÍR-inga á vellinum í kvöld og því viljum við þakka þeim sem lögðu leið sína í Mjóddina fyrir stuðninginn. Við vonumst til þess að sjá ykkur sem flest á næsta leik.

Næsti leikur meistaraflokks karla verður á móti Selfoss í bikarkeppni KSÍ næstkomandi mánudag kl. 19:00 í Hertz-búrinu.

Smelltu hér til að sjá fleirri myndir frá leiknum.

ÁFRAM ÍR.

Unglingadómaranámskeið KSÍ og Íþróttafélags Reykjavíkur fimmtudaginn 7. febrúar kl 19:00.

Unglingadómaranámskeið fyrir iðkendur og áhugasama foreldra verður haldið í ÍR heimilinu fimmtudaginn 7. febrúar kl. 19:00.

Námskeiðið er haldið af KSÍ í samvinnu við ÍR og hefst kl. 19:00.  Námskeiðið stendur í um tvær og hálfa klukkustund og er öllum opið sem náð hafa 15 ára aldri. Á námskeiðinu er lögð aðaláhersla á knattspyrnulögin en auk þess verður einnig farið yfir ýmis konar kynningarefni, fræðsluefni, skýringar og skýringarmyndir.  Námskeiðinu lýkur með skriflegu prófi viku síðar.

Námskeiðið er ókeypis.

Sá sem lýkur unglingadómaraprófi hefur rétt á að dæma í 4. flokki og neðar ásamt því að vera aðstoðardómari upp í 2. flokk.

Skráning er hafin á magnus@ksi.is

Knattspyrnudeild ÍR vill hvetja áhugasama foreldra, iðkendur til þess að skrá sig á námskeiðið. Knattspyrnudeildin þarfnast alltaf fleirri sjálfboðaliða til þess að dæma í yngriflokkum. 

Aðstoðardómaranámskeið fyrir knattspyrnudómara knattspyrnudeildar ÍR.

Knattspyrnusamband Íslands heldur námskeið fyrir aðstoðardómara mánudaginn 28. janúar í höfuðstöðvum sínum og hefst það kl 18:00. Allir dómarar sem hafa lokið unglingadómaraprófi eða héraðsdómaraprófi eiga kost á að taka þátt. Námskeiðið er sérstaklega ætlað öllum starfandi aðstoðardómurum sem áhuga hafa á því að bæta sig í starfi. Ólafur Ingvar Guðfinnsson fyrrum FIFA aðstoðardómari mun fara yfir ýmis lykilatriði í aðstoðardómgæslunni. Námskeiðið er án endurgjalds.

Skráning er hafin á magnus@ksi.is

Jólakveðja knattspyrnudeildar 2012

Kæru foreldrar/forráðamenn og iðkendur.

Knattspyrnudeild ÍR óskar öllum gleðilegra jóla og farsældar á komandi ári. Um leið viljum við þakka öllum þeim sjálfboðaliðum, þjálfurum og velunnurum fyrir hjálpina og stuðning á liðnu ári og árum.

ÁFRAM ÍR.

Jolakort_2012_Nytt.pdf

Jólagleði yngriflokka karla laugardaginn 15. desember í Egilshöll.

Næstkomandi laugardag mun knattspyrnudeild ÍR standa fyrir Jólagleði í Egilshöll. Iðkendur í 8., 7., 6. og 5. flokki karla skora á foreldra í knattspyrnu. Við hjá knattspyrnudeild ÍR vonumst til þess að sjá sem flesta iðkendur og auðvitað foreldra ef þeir þora að taka áskoruninni.

Með knattspyrnukveðjum Dóri yfirþjálfari!