Nýr þjálfari hjá meistara- og 2. flokki kvenna ÍR

Sigurður Þórir Þorsteinsson hefur verið ráðinn sem aðalþjálfari hjá meistara- og 2. flokki kvenna ÍR í knattspyrnu. Sigurður Þórir hefur áralanga reynslu af þjálfun hjá ýmsum félögum s.s. Fjölni, Fram, Aftureldingu og Fylki. Sigurður er með UEFA A Diploma gráðu og er íþróttakennari við Borgarholtsskóla. Auk þess er hann formaður Knattspyrnuþjálfarafélags Íslands. Framundan er spennandi og krefjandi verkefni hjá meistara- og 2. flokki kvenna ÍR. Við hjá meistaraflokksráði kvenna bjóðum Sigurð velkominn til liðs við ÍR.

Mynd: Sigurður Þórir Þorsteinsson og Úlfhildur Ösp Indriðadóttir við undirritun samnings. 

Knattspyrnudeild IR hélt sína árlegu uppskeruhátíð laugardaginn 17. september

Laugardaginn 17. september síðast liðinn hélt knattspyrnudeild Íþróttafélags Reykjavíkur sína árlegu uppskeruhátíð fyrir yngri flokka. Hátíðin var vel sótt bæði af iðkendum og foreldrum. Allir yngriflokkar fengu afhenta liðsmynd að gjöf og einnig voru ýmis einstaklings verlaun veitt. Hér fyrir neðan eru þau helstu og nöfn iðkenda sem valin voru úr hópi margra efnilegra knattspynu-manna/kvenna.

Seinasti heimaleikur hjá meistaraflokki karla í knattspyrnu

Á laugardaginn kl.16:00 fer fram seinasti heimaleikur hjá strákunum í meistaraflokki karla í knattspyrnu þetta sumarið. ÍR tekur þá á móti Selfoss og er von á hörkuleik þar sem mikið er í húfi fyrir bæði lið. ÍR getur tryggt sér áframhaldandi sæti í 1.deild á meðan Selfoss getur tryggt sér farseðilinn upp í deild þeirra bestu. Nú er því seinasta tækifærið til að sjá strákana spila á ÍR vellinum á þessu tímabili. Mætum á völlinn og styðjum strákana.
ÍR – Selfoss kl.16:00 laugardaginn 10.sept á ÍR velli.

ÍR-ingur í U21 árs landsliði Íslands

Jón Gísli Ström leikmaður ÍR var valinn í U21 árs landslið Íslands sem spilar við Noreg þriðjudaginn næsta á Kópavogsvelli kl.16:15. Um er að ræða gríðarlega mikilvægan leik í undankeppni EM 2013. Jón Gísli, sem er uppalinn ÍR-ingur, hefur spilað gríðarlega vel með ÍR að undanförnu og skoraði til að mynda annað mark ÍR í sigurleiknum á móti Þrótti. Við óskum Jóni Gísla til hamingju með árangurinn.

Leikur hjá meistaraflokki karla

Strákarnir í meistaraflokki karla spila á fimmtudaginn (1.sept) við Þrótt á Valbjarnarvelli kl.18:30. Eins og stendur er ÍR í 10.sæti með 19 stig en Þróttur er í 7.sæti með 26 stig. Það má búast við hörkuleik enda eru ÍR-ingar staðráðnir í að koma sér í betri stöðu gagnvart botnliðunum.

Þróttur - ÍR kl.18:30 á Valbjarnarvelli fimmtudaginn 1.sept
ÁFRAM ÍR!

Leikur hjá meistaraflokki karla í knattspyrnu

ÍR strákarnir í meistaraflokki karla  í knattspyrnu spila á fimmtudaginn við HK á ÍR-velli. ÍR er sem stendur í 10.sæti með 19 stig en HK er í 12. og neðsta sæti m eð 9 stig. Leikurinn er því gríðarlega mikilvægur fyrir bæði lið og barist verður um hvern einasta bolta. Að sjálfsögðu ætla ÍR-ingar sér ekkert annað en sigur í leiknum og koma sér lengra frá hinum margumtalaða falldraug.

ÍR – HK fimmtudaginn 25.ágúst kl.18:30 ÍR-völlur

Mætum á völlinn og styðjum ÍR til sigurs – ÁFRAM ÍR!

Úrtökumót KSÍ

Úrtökumót KSÍ 2011 fyrir pilta fædda árið 1996 fer fram á Laugarvatni í ár og munu ÍR-ingar eiga þar þrjá fulltrúa. Þetta eru þeir Benedikt Óli Sævarsson, Hilmir Orri Helgason og Andri M. Eysteinsson. Þessir efnilegu strákar eru gott dæmi um það frábæra starf sem unnið er í yngri flokkum hjá ÍR. Við óskum þeim félögum góðs gengis í þessu verkefni.

Leikur hjá meistaraflokki karla í knattspyrnu

Leiknir - ÍR
Föstudaginn 19.ágúst kl.19:00 – Leiknisvöllur

Þetta er einn mikilvægasti leikur ársins! ÍR er með 16 stig en Leiknir 13 og liðin í bullandi baráttu!
Mætum á Leiknisvöllinn og styðjum ÍR – ÁFRAM ÍR

Leikur hjá meistaraflokki karla

Strákarnir í meistaraflokkI karla spila á fimmtudaginn (11.ágúst) við Gróttu á Gróttuvelli. Leikurinn er gríðarlega mikilvægur fyrir bæði lið en eins og staðan er í dag þá er ÍR í 9.sæti og Grótta í því 10., bæði með 15 stig. Gamla klysjan um „6 stiga leik“ á því vel við í þessu tilfelli.

Það er tilvalið að fyrir alla ÍR-inga að taka rúnt út á Seltjarnarnes og styðja við strákana.

Grótta – ÍR kl.19:00 á Gróttuvelli – Fimmtudaginn 11.ágúst.

ÁFRAM ÍR!

ÍR-ingur í sigurliði U17

Stefán Þór Pálsson leikmaður ÍR varð Norðurlandameistari með U17 ára landsliði Íslands í knattspyrnu  á sunnudaginn var. Ísland1 sigraði þá Dani í úrslitaleik 1 – 0. Á myndinni hér til hliðar má sjá Stefán lengst til vinstri, nr.9 (Mynd: Skapti Hallgrímsson/mbl.is). Einnig er áhugavert að geta þess að Reynir Haraldsson ÍR-ingur var í Ísland 2 sem lenti í 4.sæti á mótinu.

Það verður að teljast gott að eiga einn af efnilegustu leikmönnum landsins en við ÍR-ingar eigum tvo slíka. Við óskum þeim Stefáni og Reyni til hamingju með árangurinn.