Hin hliðin á leikmönnum meistaraflokks ÍR

Nú fer að styttast í sumarið og þá fer fótboltinn að rúlla af stað. Af því tilefni hefur leikmannaráð meistaraflokks ákveðið að fara af stað með kynningu á leikmönnum flokksins fyrir sumarið. Í hverri viku verða kynntir nokkrir leikmenn og þar fáum við að kynnast þeim frá öðru sjónarhorni en áður.

Fyrstir til þess að sýna á sér hina hliðina eru þeir Davíð Már og Jón Gísli. 

ÍR fær jafnréttisverðlaun KSÍ annað árið í röð

Jafnréttisverðlaun KSÍ voru veitt í annað skiptið á ársþingi KSÍ 13. febrúar sl.  Að þessu sinni voru það tvö félög sem fengu viðurkenningu en það voru ÍR og ÍA. ÍR fékk viðurkenninguna að þessu sinni fyrir aðgerðaráætlun gegn einelti en þessi áætlun tók gildi þann 1.desember sl.


Það er gaman að segja frá því að ÍR fékk einnig jafnréttisverðlaun KSÍ árið 2009 og hefur því fengið þau í þessi tvö ár sem þau hafa verið veitt.

Unglingadómaranámskeið knattspyrnudeildar ÍR 2010.

 

Kæru foreldrar/forráðamenn/iðkendur og velunnarar.

 

Fimmtudaginn 11.febrúar verður hið árlega unglingadómaranámskeið KSÍ og ÍR haldið í ÍR-heimilinu kl 19:00. Allir áhugasamir foreldar, iðkendur og félagsmenn eldri en 15.ára sem hafa áhuga á dómarastörfum og vilja gefa kost á sér til að dæma fyrir félagið í yngriflokkum félagsins eru hvattir til að skrá sig á námskeiðið.

Fyrsti vinningur í happdrætti ÍR fellur á miða nr. 2139

Kæru ÍR-ingar og aðrir velunnarar,
Þau leiðu mistök urðu við úrdrátt vinninga í happdrætti Knattspyrnudeildar ÍR 2009 að fyrsti vinningur var dreginn á óseldan miða. Beðist er velvirðingar á þessu og mistökin hér með leiðrétt. Fyrsti vinningur fellur á númer 2139. Vinningsnúmer má sjá hér. Vinninga er hægt að nálgast á skrifstofu ÍR milli kl. 9:00 og 16:00 alla virka daga eða með því að hringja í síma 587 7080.
Knattspyrnudeild ÍR þakkar kærlega fyrir stuðninginn og óskar ÍR-ingum gleðilegra jóla.

Æfingar falla niður í dag, 1. des.

Allar æfingar falla niður í dag vegna vallaraðstæðna, en gervigrasið er mjög hált. Við vonumst til þess að þetta lagist sem allra fyrst þ.e. að það bráðni af honum sem fyrst.

Sálfræði aðstoð í kjölfar fráfalls Hlyns Þórs Sigurðssonar

Í kjölfar fráfalls Hlyns Þórs Sigurðssonar mun ÍR bjóða iðkendum sínum í einkaviðtal hjá sálfræðingi sem kemur frá Þjónustumiðstöð Breiðholts. Þetta atvik er mikið áfall fyrir okkur og nauðsynlegt er að við tjáum okkur um líðanina og fáum leiðbeiningar um framhaldið frá fagaðila.

Iðkendur og foreldrar geta komið í ÍR -heimilið á milli kl.17 og 18 miðvikudaginn 2.des. og fimmtudaginn 3.des. Viðtölin fara fram í fundaherbergi á 2.hæð.

4.flokkur karla HAUSTMEISTARI 2009

Líkt og 2.flokkur karla þá vann A.lið 4.flokks karla Haustmót KRR eftir úrslitaleik við nágranna okkar úr Víking laugardaginn 14.nóvember. Leikurinn var mjög jafn, bæði lið fengu nokkuð af færum og markmenn vörðu vel.  Staðan var 0-0 í hálfleik og allt stefndi í að leikurinn myndi fara í framlengingu.  Það var síðan Benedikt Óli Sævarsson sem skoraði sigurmarkið fyrir ÍR þegar um mínúta var eftir af venjulegum leiktíma, með skoti utarlega í vítateig sem endaði í markvinklinum.

2. flokkur karla hjá ÍR haustmeistari KRR í knattspyrnu

Strákarnir okkar í 2. flokki í knattspyrnu gerðu sér lítið fyrir og unnu Fram í bráðskemmtilegum úrslitaleik á ÍR-velli þriðjudaginn 10. nóv sl. Aðstæður voru eins og þær gerast bestar á þessum árstíma, logn og smá rigningarúði. ÍR-ingar náðu forystunni og komust í 2-0 áður en Framarar náðu að skora en þeir jöfnuðu skömmu fyrir leikslok. Gripið var til framlegningar en ekkert mark var skorað og þurfti að útkljá þennan skemmtilega leik í vítaspyrnukeppni. Það er skemmst frá því að segja að Brynjar markvörður okkar varði allt sem á markið kom og varð því hetja liðsins ásamt öllum hinum að sjálfsögðu. Okkar menn spiluðu einum færri alla framlenginguna og eiga því hrós skilið fyrir frábæra framistöðu.
Góð byrjun hjá flokknum og vonum við að þeir haldi áfram á sömu braut.
Áfram ÍR

Knattspyrnudeild ÍR leitar eftir þjálfara fyrir meistaraflokk kvenna.

Knattspyrnudeild ÍR leitar eftir þjálfara meistaraflokk kvenna.  Leiað er eftir metnaðarfullum einstaklingi sem er tilbúinn að taka þátt í uppbyggingu í meistaraflokki.  Áhugsamir hafi samband við Úlfhildi í gsm: 695-8805 / uoi@verkis.is eða Bjarna í gsm: 617-7759

Uppskeruhátíð knattspyrnudeildar 2009

Uppskeruhátíð fyrir eldriflokka, foreldra, forráðamenn og aðra velunnara verður haldinn laugardaginn 3. október næstkomandi. Miðar verða seldir hjá Braga í Leiksport til kl 18:00 föstudaginn 2.september eða á meðan sæti leyfa. Miðaverði er stillt í hóf. Eftir borðhald verður húsið opnað! Ath eins og undanfarin ár þá verður margt um manninn og því viljum við hvetja ykkur til að kaupa miða tímanlega. Sjá auglýsingu hér fyrir neðan.