Tveir mikilvægir leikir framundan í knattspyrnu

Á þriðjudaginn spila strákarnir í meistaraflokk karla við Fjölni. Þessi leikur er gríðarlega mikilvægur en sem stendur er ÍR í 4.sæti 1.deildar með 29 stig, aðeins 3 stigum frá öðru sæti. Fjölnir er í 5.sæti með 25 stig og ætla sér auðvitað stig í Breiðholti.

Strákarnir eiga svo aftur leik á föstudaginn á móti toppliði Leiknis. Óhætt er að segja að þetta verði „derby“ slagur af bestu gerð. Leiknir hefur spilað vel í undanförnum leikjum og eru í efsta sæti deildarinnar með 34 stig þegar þetta er skrifað. Það er ekki langt fyrir ÍR-inga yfir á Leiknisvöllinn, mætum á völlinn og styðjum við ÍR.....

Mætum á völlinn og styðjum strákana. Stuðningur þinn skiptir máli eins og sjá má á viðtali ÍR-frétta við Axel Kára (nálgast má viðtalið með því að smella hér). Það er ekkert annað en hrein skemmtun að mæta á völlinn í góðum félagsskap og styðja liðið sitt   – ÁFRAM ÍR!

þri. 17. ágú     19:00     1. deild karla         ÍR-völlur     ÍR  -    Fjölnir         
 
fös. 20. ágú     19:00     1. deild karla         Leiknisvöllur     Leiknir R. -     ÍR