Drottningarmót ÍR og OLÍS

Hið árlega Drottningamót ÍR og Olís verður haldið laugardaginn 17. apríl 2010.

Drottningamótið er ætlað knattspyrnudrottningum sem náð hafa 25 ára aldri og eru ekki spilandi með meistaraflokkum félagsliðanna. Þetta er í fjórða skiptið sem mótið er haldið og er stefnt á skemmtilegt og veglegt mót að vanda.

Nánari upplýsingar má sjá með því að smella á myndina eða hér.

Hægt er að fara á heimasíðu mótsins með því að ýta hér.

Kvennakvöld ÍR

Laugardaginn 27. febrúar 2010
ÍR-heimilið opnar kl. 19:30
Dagskrá hefst kl. 20:06
Veislustjóri: Heiðar Austmann
Hvetjum allar konur til að mæta á kvennakvöld ÍR og njóta saman góðrar kvöldstundar með frábærri dagskrá:
Fordrykkur og glaðningur
Tískusýning frá Súpersól
Sigríður Klingenberg
Happadrætti
Léttar veitingar á sanngjörnu verði.
Miðaverð:
Í forsölu 1000 kr. – við innganginn 1500 kr.

Nýjungar á heimasíðu ÍR

Að undanförnu hefur verið unnið að breytingum hér á heimasíðu ÍR. Þessar breytingar
felast meðal annars aðgengilegri skiptimarkaði og athugasemdakerfi.

ÍR fær jafnréttisverðlaun KSÍ annað árið í röð

Jafnréttisverðlaun KSÍ voru veitt í annað skiptið á ársþingi KSÍ 13. febrúar sl.  Að þessu sinni voru það tvö félög sem fengu viðurkenningu en það voru ÍR og ÍA. ÍR fékk viðurkenninguna að þessu sinni fyrir aðgerðaráætlun gegn einelti en þessi áætlun tók gildi þann 1.desember sl.


Það er gaman að segja frá því að ÍR fékk einnig jafnréttisverðlaun KSÍ árið 2009 og hefur því fengið þau í þessi tvö ár sem þau hafa verið veitt.

Þrír ÍR-ingar í úrtökuhóp U-19 ára landsliðsins

Miðvikudaginn 10. febrúar var kynntur úrtökuhópur fyrir U-19 ára landslið Íslands í knattspyrnu karla. ÍR-ingar eiga þar hvorki meira né minna en þrjá fulltrúa en fá lið geta státað af slíkum árangri. Þetta eru ÍR-ingarnir Sindri Snær Magnússon sem er fæddur 1992 og þeir Brynjar Örn Sigurðsson og Jón Gísli Ström og eru þeir fæddir 1993. Þetta sýnir hversu vel er staðið að málum innan yngri flokka hjá ÍR.

Óskum við þeim þrímenningum til hamingju með þennan árangur.

Frístundakortið og greiðsluseðlar hjá ÍR

Núna hafa greiðsluseðlar verið sendir út fyrir handboltadeild, knattspyrnudeild, körfuboltadeild, júdódeild og keiludeild og eru á gjalddaga/eindaga 5. febrúar.
Dansdeild, frjálsar, skíðadeild og Tae kwon do deild eru ennþá með opið í Frístundakortinu næstu vikuna og greiðsluseðlar verða sendir út fyrir næstu mánaðarmót á gjalddaga/eindaga 1. mars.

Auglýst hefur verið í tölvupósti til allra deilda og flokka með fyrirkomulag innheimtu vorannar frá því í desember og ætti því ekki að koma á óvart lokun Frístundakorts og greiðsluseðlar.

Þótt Frístundakortið sé lokað í Rafrænni Reykjavík þá er ekki of seint að ráðstafa styrknum því aðeins þarf eitt símtal við mig og málið er leyst.
Þá er sjálfsagt að skipta greiðslum á kreditkort sé þess óskað.
Þau börn sem koma í félagið eftir að greiðsluseðlar fara út eru sett í Frístundakortið um leið og þau eru skráð, og fyrir annarlok sendi ég  greiðsluseðla á þau börn sem nýta það ekki.

Með kærri þökk.

Elfa á skrifstofunni
s. 587 7090.

Unglingadómaranámskeið knattspyrnudeildar ÍR 2010.

 

Kæru foreldrar/forráðamenn/iðkendur og velunnarar.

 

Fimmtudaginn 11.febrúar verður hið árlega unglingadómaranámskeið KSÍ og ÍR haldið í ÍR-heimilinu kl 19:00. Allir áhugasamir foreldar, iðkendur og félagsmenn eldri en 15.ára sem hafa áhuga á dómarastörfum og vilja gefa kost á sér til að dæma fyrir félagið í yngriflokkum félagsins eru hvattir til að skrá sig á námskeiðið.

Nýr þjálfari hjá meistaraflokki kvenna í knattspyrnu

Guðbjartur Halldór Ólafsson hefur verið ráðinn sem þjálfari hjá meistaraflokk kvenna ÍR í knattspyrnu og tók hann til starfa í byrjun janúar. Guðbjartur kemur frá Höfn í Hornafirði og var leikmaður með Sindra, Aftureldingu og Njarðvík. Guðbjartur er við nám í íþróttafræði við Háskóla Íslands. Framundan er spennandi og krefjandi uppbyggingarstarf hjá meistaraflokki kvenna ÍR og við bjóðum Guðbjart velkomin til starfa hjá okkur.

Fyrstil leikur m.fl. karla í Reykjavíkurmótinu, tölulegar staðreyndir

Reykjavíkurmótið 2010
ÍR – KR – áhorfendur: 97
Fimmtudaginn 14.jan kl.21.00
Egilshöll

Meistaraflokkur karla hóf mótaþátttöku sína árið 2010 í gær með leik gegn næst besta liði landsins árið 2009 – Vesturbæjarstórveldinu KR. Leikurinn var nokkuð góður hjá okkar mönnum sem áttu fjölmargar ágætis rispur fram völlinn. Kíkjum á smá umfjöllun um leikinn.

ÍR endurnýjar samninga

Nú hefur ÍR endurnýjað samninga við tvo af þeim aðilum sem samið var við árið 2009 en þetta er Sporthúsið og Olís.

Eldri iðkendur félagsins hafa því tækifæri á að æfa í Sporthúsinu með sama sniði og árið 2009. Þjálfarar eða stjórnarfólk er beðið um að panta fyrir viðkomandi aðila í gegnum Hörð framkvæmdastjóra og Hörður sendir beiðni áfram í Sporthúsið. Þess skal getið að Hörður mun fylgjast með því að þeir sem fá kort séu að nýta það, annars geta þeir aðilar sem ekki nýta kortið misst af áframhaldandi styrk.

Samningur við Olís gildir fyrir árið 2010 og er hann með sama sniði og árið 2009. Við hvetjum því alla ÍR-inga að beina viðskiptum sínum til Olís. Þeir hafa marga möguleika þegar kemur að fjáröflunarleiðum og bið ég ykkur um að vera í sambandi við Ingólf markaðsfulltrúa ÍR hvað það varðar.

Hörður, framkvæmdastjóri