Gunnar Sverrisson tekur við þjálfun meistaraflokks

Gunnar Sverrisson hefur verið ráðinn þjálfari meistaraflokks karla í stað Jóns Arnars Ingvarssonar sem hætti með liðið fyrir áramót af persónulegum ástæðum.  Gunnar er ÍR-ingum að góðu kunnur og hefur verið virkur í starfi körfuknattleiksdeildarinnar um árabil.  Hann æfði og lék með liðinu upp alla flokka, en á árunum 1994-1996 aðstoðaði hann John Rhodes við þjálfum meistaraflokksins.  Hann var síðan þjálfari Þórs á Akureyri tímabilið 1997-1998 og svo annar tveggja þjálfara ÍR 2005-2006 (með Jóni Erni Guðmundssyni).  Hann hefur auk þess þjálfað ótalmarga yngri flokka hjá ÍR og er í vetur yfirþjálfari yngri flokka körfuknattleiksdeildarinnar.  ÍR-ingar eru sannfærðir um að Gunnar sé rétti maðurinn til að taka við liðinu og óska honum góðs gengis.  Ennfremur eru Jóni Arnari þökkuð góð störf og samskipti sem aldrei hefur borið skugga á.