Tap gegn Snæfelli - Robert Jarvis með góðan leik

Þrátt fyrir góðan leik og mikla baráttu tókst ÍR-ingum ekki að knýja fram sigur gegn sterki liði Snæfells í gærkvöldi, en leikið var í Stykkishólmi.  Lið ÍR skartaði nýjum erlendum leikmanni, Robert Jarvis og stóð hann sig vel, bæði varnar- og sóknarlega.   ÍR-ingar voru vel inni í leiknum og höfðu til dæmis 56-57 forystu um miðjan þriðja leikhluta, en alltaf náðu heimamenn að slíta sig frá okkur.  Lokatölur 96-86.

Miklu munar um að Hreggviður og Sovic gátu ekki beitt sér að fullu vegna meiðsla, en Jarvis (24 stig), Eiríkur (16 stig), Sovic (16 stig), Steinar (14 stig) voru atkvæðamestir í stigaskorun okkar manna.  Sem stendur eru ÍR-ingar í 9. Sæti deildarinnar og framundan eru leikir gegn FGU, Fjölni og Tindastól.