Uppskeruhátíð hjá körfuboltanum

Uppskeruhátíðin var haldin laugardaginn 18. maí sl. og voru verðlaunapeningar og viðurkenningar veittar fyrir þáttöku og frammistöðu í vetur.  Sigurvegarar í stinger keppnum voru krýndir og ÍR ingur ársins valinn.....

Sumarnámskeið -skráning í fullum gangi

Ítarlegri lýsing á sumarnámskeiðum ÍR er að finna vinstra megin á síðunni. Þetta hér leiðir ykkur þangað.

Við hvetjum fólk til að skrá börn sín sem fyrst á sumarnámskeið hjá félaginu. Stutt er í að fyllist á vinsælustu námskeiðin.

Margt skemmtilegt er í boði með flottum leiðbeinendum.

Sæþór Elmar á Norðurlandamótinu í körfu

Sæþór Elmar Kristjánsson, leikmaður 10. flokks ÍR, var í byrjunarliði U-16 landsliðsins á Norðurlandamótinu í körfubolta í síðustu viku. Sæþór var að meðaltali með 4 stig og 3,8 fráköst í þeim fimm leikjum sem liðið lék á mótinu. Sæþór spilaði 15 til 20 mínútur í hverjum leik og var drjúgur eins og lesa má um í umfjöllun um leikina. „Strákarnir okkar byrja í pressu allan völlinn eftir skoraða körfu. Frábær byrjun hjá Sæþóri sem byrjaði sterkt, varði skot, stal tveim boltum í pressunni ......

Uppskeruhátíð hjá körfuknattleiksdeild

Uppskeruhátíð körfuknattleiksdeild ÍR verður haldin næsta laugardag 18 maí. Kl 13:00 í íþróttahúsi Seljaskóla.

Verðlaunapeningar og viðurkenningar verða veittar fyrir þátttöku og frammistöðu í vetur.

Keppt verður í Stinger og pylsur grillaðar.

Hlökkum til að sjá ykkur öll

8. flokkur ÍR í körfu lenti í 2.sæti í Gautaborg

Drengirnir í 8.flokki í körfu fóru góða ferð til Gautaborgar dagana 8. til 12. maí síðastliðinn og lentu í 2. sæti í Gautaborgarmótinu í körfubolta. Mótið er stærsta ungmennamót í körfubolta í Evrópu. Alls voru 38 lið skráð til leiks í 8.flokki karla, frá Skandinavíu og víðar.

Spilað var í 9 riðlum og sigraði ÍR sinn riðil með yfirburðum. Þá tók við 16 liða útsláttarkeppni og vann ÍR þar öruggan sigur. Næstu leikur voru gegn sterkum liðum og mætti ÍR IK EOS í 8-liða úrslitum. ÍR hafði 10 stiga sigur að lokum, 40-30, eftir að hafa leitt nær allan leikinn. 

Örvar Þór Kristjánsson hefur verið ráðinn þjálfari meistaraflokks ÍR í körfubolta

Örvar Þór Kristjánsson hefur verið ráðinn þjálfari meistaraflokks ÍR í körfubolta til næstu þriggja ára. 

Á síðasta tímabili var Örvar aðstoðarþjálfari meistaraflokks Njarðvíkur og á árunum 2010 til 2012 stýrði Örvar Þór liði Fjölnis í úrvalsdeildinni.

Stjórn körfuknattleiksdeildar ÍR er afar ánægð með að fá Örvar til starfa. Væntingar til næsta tímabils eru miklar í Breiðholtinu og ætlar sigursælasti körfuknattleiksklúbbur Íslands sér stóra hluti.

Aðalfundur Íþróttafélags Reykjavíkur

Aðalfundurinn verður haldinn miðvikudaginn 24. apríl 2013  kl. 20:00 í félagsheimili ÍR  Skógarseli 12 Reykjavík.

Dagskrá aðalfundar:
1. Kosning þriggja manna kjörbréfanefndar.
2. Kosning fundarstjóra og fundarritara.
3. Skýrsla stjórnar um starfsemi ársins.
4. Lesnir og skýrðir endurskoðaðir reikningar.
5. Lagabreytingar.
6. Ákveðin árgjöld.
7. Lögð fram starfs- og fjárhagsáætlun næsta starfsárs.
8. Kosinn formaður.
9. Kosnir aðrir stjórnarmenn og varastjórnarmenn.
10. Kosnir tveir skoðunarmenn.
11. Önnur mál.

Léttar veitingar verða boðnar að loknum fundi.

Sumarnámskeið ÍR

Með því að smella á myndina fáið þið yfirlit yfir það sem er í boði hjá ÍR í sumar.  Heilmargt er í boði frá 5 ára aldri og eru nánari upplýsingar undir græna flipanum á forsíðunni. Endilega kynnið ykkur fjölbreytt starf hjá ÍR í sumar.

Búið er að opna fyrir skráningar.

Sumardagurinn fyrsti haldinn hátíðlegur

Fimmtudaginn 25.apríl mun ÍR taka þátt í hátíðarhöldum að tilefni sumarsagsins fyrsta. Hátíðin verður við tjörnina í Hólmaseli og væri virkilega gaman að sjá fólk úr hverfinu sameinast þar.