Lesa frétt
1.2.2009

ÍR sótti 4 Gull, 5 Silfur og 2 Brons á Afmælismóti JSÍ (24.+25.janúar)

Afmælismót JSÍ var haldið um helgina 24. og 25. janúnar. Frábært og fjölmennt mót var háð bæði í húsakynnum Júdódeildar Ármanns og Júdófélags Reykjavíkur. Einstaklega góður andi ríkti á mótinu og keppendur sem flestir þekkjast orðið ágætlega á vellinum og á hliðarlínunni áttu góðar stundur saman. ÍR'ingar, sem mættu með drengskap og vilja til verka, stóð svo sannarlega undir ört vaxandi væntingum. Sérlega skemmtilegur árangur er að vaxa í Skógarselinu og starf hins frábæra aðalþjálfara Júdódeildarinnar Björns H. Halldórssonar er að bera ríkulegan ávöxt.

Mynd : 2. sæti Rihard Jansens (JDÁ), 1. sæti Björn H. Óskarsson (ÍR), 3. sæti Ægir (?) (JR)
Björn Halldór Óskarsson tók þetta firna sterka mót með miklum glæsibrag. Í þetta sinnið nægði honum ekkert minna er Gull í -66 kg flokkinum. Hann sigraði alla sína anstæðinga með miklu öryggi. Það var frábær upplifun fyrir áhorfendur að verða vitni að svona

Mynd : f.v. 2. sæti Kjartan Magnússon (ÍR), 1. sæti Gísli Haraldsson (ÍR), 3. sæti Orri Helgason (JR)
Gísli Haraldsson átti stórkostlegt mót og sigraði allar sínar glímur og vann Gull  í -60 kg flokki í flokki 15-16 ára. Bestu keppendur landsins mættu til að setja sitt mark. Gísli lét alla viðstadda vita að hann ætlar sér að ná langt...mjög langt í íþróttinni. Harðasti andstæðingur Gísla var sem fyrr félagi hans úr ÍR Kjartan Magnússon.
Kjartan tók til sín Silfur, enn staðráðin í að vera Gísla enginn eftirbátur. Kjartan hefur með einbeittri tækni sinni siglt örugglega í fresmtu röð iðkenda íþróttarinnar.
Frábær frammistaða Tómasar Kristbergssonar undirstrikaði styrk hans skemmtilega í erfiðum -81 kg flokkinum. Tómas fékk að kljást við margreynda keppnismenn, sem fengu óvænt sterkari andstæðing en þeir reiknuðu með, því þetta var fyrsta mót Tómasar. Sé þetta vísir að því sem koma skal, þá er margs að vænta af honum.Bernhard Jóhannesson sótti sér Silfur í erfiðum flokki +90 kg 15-19 ára.
Ásdís Ólafsdóttir kom ekki metnaðarlaus frekar en venjulega og stóð sig með stakri prýði og
tók heim með sér Silfur  í 15-16 ára.
Ingunn Rut Sigurðardóttir tryggði sér Gull í -50 kg í 13-14 ára, sem hún þó var færð upp í, með glæsilegu Harai Goshi kasti.
Ragnhildur Rún Vilmundardóttir fékk Brons í -42 kg 15-16 ára.
Benedikt Haukur Guðmundsson fékk Silfur í -60 kg 13-14 ára og sýndi góðan stíganda í mótinu.
Halldór Reynisson stóð sig sérlega vel og staðfesti að góð ástundun skilar árangri.
Stoltur tók hann til sín Brons í erfiðum flokki 11-12 ára -46 kg.
Janus Grétarsson sótti Gull þó hann væri færður upp úr -38 kg í blandaðann flokk barna 11-12 ára -44 kg
Aníta Ýr Ómarsdóttir Silfur í blönduðum flokki -44 kg 11-12 ára
Viktor Bjarki Ómarsson kom líka með tilkall til árangurs og átti sérlega skemmtileg tilþrif í -38 kg
ÍR hefur enn á ný sýnt eldri félögunum vaxandi mótstöðu og undirstrikað metnað sinn til árangur.
Áfram ÍR'ingar.
« Til baka