Æfingartöflur í gildi

Æfingatöflur eru komnar á forsíðu heimasíðu ÍR og síður deilda, undir rauðum flipa "Æfingatöflur og gjöld". Allar taka þær gildi 1.sept. nema Dans sem byrjar laugardaginn 4.september og Keila og Íþróttaskóli 3-6 ára sem hefst mánudaginn 6.september.
Hafa ber í huga að íþróttahús Seljaskóla er lokað í september og þangað til við komumst með æfingar þangað inn taka vissar deildir á sig skerðingu. Æfingatöflur körfu og handbolta eru því tvískiptar.
Knattspyrnutímabilinu lýkur nú í sept. og ný vetrartafla hjá deildinni tekur gildi 1.okt. Hún kemur inn von bráðar.

Vetrarstarfið 2010-2011 að hefjast

Æfingar í Júdó hefjast samkvæmt æfingatöflu 1. september

ÍR FRÉTTIR - júní

Nú í júní voru ÍR fréttir gefnar út í fjórða sinn. ÍR fréttir er fréttablöðungur sem gefinn er út mánaðarlega og er dreift á ýmsa staði í Breiðholti en í þessum blöðung má finna áhugaverðar fréttir um félagið.

Skráðu þig á póstlista ÍR frétta og um leið ertu búinn að skrá þig í happadrætti ÍR frétta. Þú skráir þig með því að senda rafpóst á ingolfur@ir.is (gefur upp nafn) og þá færð þú ÍR fréttir sendar mánaðarlega og átt einnig möguleika á því að hljóta vinninga sem dregnir verða út. Vinningar verða meðal annars ÍR bókin sem er glæsilegt rit um sögu ÍR ásamt fleiri flottum vinningum.  ÍR fréttir má nálgast með  því að smella HÉR.

ÍR fréttir

Nú í maí voru ÍR fréttir gefnar út í þriðja sinn. ÍR-fréttir er fréttablöðungur sem gefinn er út mánaðarlega og er dreift á ýmsa staði í Breiðholti en í þessum blöðung má finna áhugaverðar fréttir um félagið.

Víðavangshlaup ÍR, nýr formaður, góður árangur á skíðum og taekwondo og margt, margt fleira. ÍR fréttir má nálgast með  því að smella HÉR.

Viljir þú fá ÍR-fréttir sendar rafrænt á netfangið þitt mánaðarlega sendu þá póst á ingolfur@irsida.is með upplýsingum um nafn og netfang.

Stór dagur fyrir ÍR

Í dag þann 30. apríl opnar ÍR nýjan vef en það er www.ir.is

Við hjá ÍR höfum lengi haft augastað á þessu veffangi en það var í eigu Iðnskólans í Reykjavík. Þegar Tækniskólinn varð til skiptu þeir um veffang og gáfu af sinni góðmennsku þetta veffang til okkar sem við höfum lengi reynt að fá.

Við viljum færa Tækniskólanum miklar þakkir og nú þurfa ÍR-ingar  sem og aðrir ekki að eiga í erfiðleikum með að muna veffang Íþróttafélags Reykjavíkur.

Þess má geta að þeir sem vilja kynnast Tækniskólanum geta farið inná heimasíðu þeirra en hér til hliðar er logo þeirra sem færir ykkur beint inná heimasíðu skólans.

Íþróttaþjálfararáðstefna 30.apríl

Föstudaginn 30.apríl standa ÍSÍ og HÍ fyrir ráðstefnu með yfirskriftinni "starf íþróttaþjálfara". Ráðstefnan verður haldin í Íþróttamiðstöðinni Laugardal kl.13:00. Erlendir og íslenskir aðilar munu fjalla um íþróttaþjálfara í víðu samhengi. Nánari upplýsingar um ráðstefnuna má finna með því að smella hér.

HUMMEL kynning í ÍR heimilinu

HUMMEL KYNNING

Fimmtudaginn 29. apríl  kl.15:00 – 19:00
ÍR heimilinu Skógarseli 12

Hægt verður að kaupa föt á frábæru tilboðsverði en borga verður um leið og varan er pöntuð.

Við hvetjum foreldra og foreldraráð til þess að nýta þetta tækifæri og gera góð kaup á góðum fatnaði fyrir sumarið.

Aðalfundur ÍR

Aðalfundur ÍR verður haldinn föstudaginn 30. apríl n.k. kl. 18.00 í ÍR-heimilinu 2. hæð.

 
Dagskráin er eftirfarandi:
1.    Kosning þriggja manna kjörbréfanefndar.
2.    Kosning fundarstjóra og fundarritara.
3.    Skýrsla stjórnar um starfsemi ársins.
4.    Lesnir og skýrðir endurskoðaðir reikningar.
5.    Lagabreytingar.
6.    Ákveðin árgjöld.
7.    Lögð fram starfs- og fjárhagsáætlun næsta starfsárs.
8.    Kosinn formaður.
9.    Kosnir aðrir stjórnarmenn og varastjórnarmenn.
10.   Kosnir tveir skoðunarmenn.
11.   Önnur mál.

Allir lögmætir félagsmenn hafa rétt til fundarsetu, málfrelsi og tillögurétt á aðalfundi félagsins.
Vonumst til þess að sjá sem flesta

F.h. aðalstjórnar ÍR
Hörður Heiðar Guðbjörnsson
Framkvæmdastjóri

Úthlutað verður úr Magnúsarsjóði til ÍR -inga mánudaginn 26.apríl kl.18:00

Hægt er að sækja um styrk úr Magnúsarsjóði tvisvar á ári. Nú er komið að fyrri úthlutun þessa árs. Alls bárust fagráðinu 15 umsóknir og hafa þær verið teknar til umfjöllunar. Þjálfarar og afreksfólk innan ÍR sóttu um í sjóðinn að þessu sinni. Úthlutað verður 870.000 kr. Hvetjum við sem flesta til að heiðra þá sem fá úthlutað með nærveru sinni og þiggja veitingar. Athöfnin fer fram í setustofu ÍR heimilis kl.18-19 mánudaginn 26.apríl.

Seinkun á dýnuburði, æfing fellur niður

Heil og sæl

Dýnuburðurinn og uppsetningin í Laugardalshöll sem átti að vera klukkan 14:00 á morgun hefur verið seinkað til 18:00.
Að þeim sökum fellur föstudagsæfingin því miður niður, en við vonum að allir sem ætluðu að mæta að hjálpa klukkan 14:00 komist enn þá,  þrátt fyrir seinkunina, og að jafnvel geti hugsanlega fleiri séð sér fært að mæta og aðstoða.

Minnum einnig á að viktun fyrir Íslandsmótið er milli 17:00 og 18:00 í JR, Ármúla 17.

Vonumst til að sjá sem flesta í Laugardalshöll á morgun!