6.6.2013
Arnar og Runólfur formaður handknattleiksdeildar ÍR handsala samninginn
Handknattleiksdeild ÍR hefur gert samning við örvhentu skyttuna Arnar Birki Hálfdánarson um að leika með liðinu næstu tvö tímabil. Arnar er tvítugur, uppalin hjá Fram en var síðastliðinn vetur á mála hjá FH. Koma hans á hægri vænginn er enn einn liðurinn í þeirri uppbyggingu sem fram fer í Breiðholtinu þessi misserin.
Fyrir skömmu gekk markvörðurinn Arnór Stefánsson aftur til liðs við ÍR og verður liðið því skipað ungu og mjög öflugu markvarðateymi. En Kristófer og Arnór þekkja vel til hvors annars þar sem þeir spiluðu saman með yngri landsliðum.
Mikill hugur ríkir í herbúðum ÍR-inga og líta þeir björtum augum til komandi veturs.
Við bjóðum þá Arnór og Arnar velkomna í hópinn.
28.5.2013
Lokahóf handknattleiksdeildar ÍR fór fram á dögunum en á meðal þess sem var gert var að velja bestu leikmenn ársins í meistaraflokki.
Línumaðurinn Jón Heiðar Gunnarsson var valinn leikmaður meistaraflokks en hann lék stórt hlutverk í vetur og missti ekki af einum leik allt tímabilið. Hann var þriðji markahæsti leikmaður liðsins með yfir 85% skotnýtingu ásamt því að spila lykilhlutverk í hjarta varnarinnar......
24.5.2013
Ítarlegri lýsing á sumarnámskeiðum ÍR er að finna vinstra megin á síðunni. Þetta hér leiðir ykkur þangað.
Við hvetjum fólk til að skrá börn sín sem fyrst á sumarnámskeið hjá félaginu. Stutt er í að fyllist á vinsælustu námskeiðin.
Margt skemmtilegt er í boði með flottum leiðbeinendum.
5.5.2013
1.5.2013
Föstudaginn 3.maí fer fram sögulegur og ansi sérstakur handboltaleikur í Austurbergi kl. 17:30 til að vekja athygli á góðu málefni. Þar mun hjólastólalið HK etja kappi við bikarmeistara ÍR í hjólastólahandbolta. Bikarmeistararnir eru ekki vanir því að spila á hjólum og því verður fróðlegt að sjá hvort þeir eiga séns gegn hjólastólafélaginu. Þetta er í fyrsta skipti á Íslandi sem að slíkur leikur fer fram á milli félagsliða en HK rekur eina hjólastólaliðið á landinu. Tilgangur okkar er að hvetja önnur félagslið til að taka upp samskonar starfsemi enda vantar HK-ingum sárlega andstæðinga til að spila við og við hvetjum alla til að mæta og styðja þetta góða málefni.
Frítt inn – en nýr keppnisstóll kostar 750.000 kr. og þess vegna tekur hjólastólafélagið við frjálsum fjárframlögum.
30.4.2013
Uppskeruhátíð fullorðnafólksins
Hvetjum stuðningsmenn og foreldra að mæta kl. 22.00 þegar húsið opnar
28.4.2013
Arnór Stefánsson markvörður hefur ákveðið að ganga til liðs við okkur ÍR-inga á ný eftir tveggja ára fjarveru. Arnór hefur undan farin tvö ár leikið með HK í Kópavogi og varð meðal annars Íslandsmeistari með liðinu.
Auk þess að leika með liðinu mun Arnór taka að sér þjálfun yngriflokka hjá félaginu.
Koma Arnórs er mikilvægt skref í áframhaldandi uppbyggingu ÍR handbolta sem þegar við unnum okkur sæti í N1 deildinni í fyrra.
Velkominn heim aftur Arnór!
Arnór Stefánsson og Runólfur Sveinsson formaður hanknattleiksdeildar handsala samninginn
24.4.2013
Aðalfundurinn verður haldinn miðvikudaginn 24. apríl 2013 kl. 20:00 í félagsheimili ÍR Skógarseli 12 Reykjavík.
Dagskrá aðalfundar:
1. Kosning þriggja manna kjörbréfanefndar.
2. Kosning fundarstjóra og fundarritara.
3. Skýrsla stjórnar um starfsemi ársins.
4. Lesnir og skýrðir endurskoðaðir reikningar.
5. Lagabreytingar.
6. Ákveðin árgjöld.
7. Lögð fram starfs- og fjárhagsáætlun næsta starfsárs.
8. Kosinn formaður.
9. Kosnir aðrir stjórnarmenn og varastjórnarmenn.
10. Kosnir tveir skoðunarmenn.
11. Önnur mál.
Léttar veitingar verða boðnar að loknum fundi.
23.4.2013
Með því að smella á myndina fáið þið yfirlit yfir það sem er í boði hjá ÍR í sumar. Heilmargt er í boði frá 5 ára aldri og eru nánari upplýsingar undir græna flipanum á forsíðunni. Endilega kynnið ykkur fjölbreytt starf hjá ÍR í sumar.
Búið er að opna fyrir skráningar.
22.4.2013
Fimmtudaginn 25.apríl mun ÍR taka þátt í hátíðarhöldum að tilefni sumarsagsins fyrsta. Hátíðin verður við tjörnina í Hólmaseli og væri virkilega gaman að sjá fólk úr hverfinu sameinast þar.