Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

2000

Daníel Smári ekki í páskadvala

Daníel Smári vann Víðavangshlaup ÍR árið 2000.Þar sem margir höfðu lagt land undir fót vegna páskahelgarinnar var ekki búist við metþátttöku í Víðavangshlaupi ÍR á þúsaldarárinu, 2000. Litlu munaði þó því í mark á sumardaginn fyrsta, sem jafnframt var skírdagur, komu 243 keppendur af 249 skráðum. Var þetta þriðja mesta þátttakan í hlaupinu, hinu 85. í röðinni.

Það var ef til vill tákn um góða tíma framundan fyrir Víðavangshlaup ÍR er það sækir inn í nýja öld, að vetur og sumar frusu saman víðast hvar á landinu. Hitastigið hafði svo rétt lyft sér upp fyrir frostmarkið er sprækir þátttakendur voru ræstir af stað við Reykjavíkurtjörn.

Veður var afar fallegt, nánast logn og linnulaus sól er hlaupið fór fram. Héldu engin bönd keppendum þótt hlýir sunnanvindar væru ekki nærri landinu. Öllu dauflegra var hins vegar yfir fjölmiðlum sem lögðust í langan páskadvala samkvæmt venju og létu hlaupið að mestu framhjá sér fara, enda löngu um garð gengið er flestir prentmiðlar komu út á ný.

Vetur og sumar frusu saman en kvikasilfursúlan hafði lyft sér rétt upp fyrir frostmarkið er Víðavangshlaup ÍR þúsaldarárið 2000 fór fram.Daníel Smári Guðmundsson úr ÍR vann öruggan sigur í Víðavangshhlaupinu, hljóp kílómetrana fimm á 15:53 mínútum. Ólíkt fjölmiðlunum var hann í engum páskadvala. Í þessum fyrsta sigri sínum í hlaupinu sögufræga varð hann 20 sekúndum á undan næsta manni í mark, hinum 20 árum yngri Stefáni Ágústi Hafsteinssyni. ÍR-ingar slógu eign sinni á verðlaunapallinn því þeir áttu einnig þriðja mann, Burkna Helgason, í mark. Fjórði en nokkuð fjarri verðlaunapalli varð svo sigurvegari áranna til 1998, Sigmar Gunnarsson úr UMSB.

Fríða Rún Þórðardóttir úr ÍR varð fyrst kvenna í mark. Hún hljóp á 18:31 mínútu og varð 28. í heildarröðinni. Sló hún því mörgum karlinum við. Önnur og í 32. sæti varð Gerður Rún Guðlaugsdóttir ÍR og þriðja Erla Gunnarsdóttir Fjölni sem varð 32. í mark á 19:10 mínútum.

Yngsti keppandinn var Sóley Bjarnadóttir, sem var aðeins sex ára. Og sá elsti hinn 74 ára gamli Jón Guðlaugsson HSK sem hefur engan bilbug látið á sér finna og mætt ár eftir ár í hlaupið.

Jákvætt verkefni


Úrslitin 2000