Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1994

Anna og Sigmar aftur fyrst

79. Víðavangshlaup ÍR fór fram eins og hlaupin öll þar á undan nema tvö, á sumardeginum fyrsta. Enginn annar íþróttaviðburður hefur farið samfellt fram í svo langan tíma. Búist var við mikilli keppni nú sem endranær í þessum aldraða – en samt síunga – íþróttaviðburði.

Anna Jeeves úr ÍR varð fyrst kvenna í mark en rétt á undan er annar ÍR-ingur, Jakob Bragi Hannesson. Hlaupaleiðin lá umhverfis Tjörnina og voru hlaupnir tveir hringir, eða 4 kílómetrar, í stað þriggja hringja í fyrra. Börn 12 ára og yngri hlupu þó aðeins einn hring. Fyrstu 55 árin kepptu aðeins karlmenn í Víðavangshlaupi ÍR en það breyttist í byrjun áttunda áratugarins og allar götur síðan hefur kvenfólki fjölgað mikið í hópi keppenda.

Segja má að sagan úr Víðavangshlaupi ÍR frá í fyrra, árið 1993, hafi endurtekið sig, því Sigmar Gunnarsson UMSB sigraði með yfirburðum annað árið í röð. Og sem í fyrra kom Anna Jeeves ÍR fyrst á mark í kvennaflokki.

Metþátttaka var í hlaupinu, 217 keppendur luku hlaupi eða níu fleiri en í fyrra. Sigmar tók strax forystu er hlaupararnir voru ræstir við Ráðhúsið og var vel á undan næstu mönnum eftir fyrri hringinn. Fjórir hlauparar voru þá í hnapp á eftir honum og virtust ætla að berjast um annað sætið, en á seinni hringnum losnaði hópurinn í sundur og spennan fór úr baráttunni.

Sigmar hefur „fullt hús“ því hann hefur aðeins tvisvar tekið þátt í Víðavangshlaupinu, og unnið bæði. Daníel Smári Guðmundsson Á varð annar þriðja sinni en það sæti hlaut hann einnig 1990 og 1992. Sveinn Ernstsson ÍR varð þriðji en það er í fyrsta sinn sem hann kemst á verðlaunapall í hlaupinu.

Anna Jeeves var í sérflokki kvenna og hálfri mínútu á undan þeim Laufeyju Stefánsdóttur Fjölni og Gerði Rún Guðlaugsdóttur ÍR, sem háðu harða hildi um annað sætið. Anna stóð á fertugu en Laufey þótti eiga framtíðina fyrir sér þar sem hún var aðeins 18 ára að aldri.

Upphaf og endir hlaupsins var við Ráðhús Reykjavíkur sem í fyrra en nú voru hlaupnir tveir hringir um Tjörnina í stað þriggja í fyrra. Í verðlaunahófi í Ráðhúsinu að hlaupi loknu afhentu þeir Árni Sigfússon borgarstjóri og Þorbergur Halldórsson formaður ÍR verðlaun.

Harðari keppni var nú en um árabil í þriggja manna sveitakeppni karla milli Ármanns, ÍR og UMSB. Ármenningar urðu hlutskarpastir og var sigurinn þeim kærkominn því sveit félagsins vann síðast 1951. Ármann átti nokkra öfluga hlaupara á fimmta áratugnum og unnu Víðavangshlaup ÍR þá margsinnis, áttu bæði fyrsta mann í mark og sigursveitir.

Ármenningar unnu einnig keppni í þriggja sveina sveit í ár en ÍR-ingar unnu aðrar sveitakeppnir hlaupsins; 5 og 10 manna karla, þriggja kvenna sveit, þriggja manna öldungasveit og sveit þriggja kvenna 30 ára og eldri.

Oddgeir aftur með


Virtist sigra auðveldlega


Rétt að byrja


35. hlaup hjá Jóni


Rangur sigurvegari


Konum fjölgar


Tvær jafnar


Úrslitin 1994