Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1990

Vélstjóraneminn frá Hvammstanga fyrstur

ÍR-ingar brugðu útaf venjunni þegar Víðavangshlaupið fór fram 75. árið í röð. Á þessum tímamótum í íslenskri íþróttasögu var hlaupaleiðinni bylt frá því sem áður var. Í tilefni afmælisins og miklu tjaldað til í Hljómskálagarði, en innan hans fór hlaupið að öllu leyti fram, í fyrsta sinn í sögunni. Nýr maður komst á skrá yfir sigurvegara í hlaupinu, en þar var á ferð 22 ára vélstjóranemi frá Hvammstanga, Gunnlaugur Skúlason.

Gunnlaugur Skúlason úr UMSS var hinn öruggi sigurvegari í 75. Víðavangshlaupi ÍR, árið 1990.Gunnlaugur sigraði keppinauta sína nokkuð örugglega, kom í mark 14 sekúndum á undan næsta manni, hljóp á 13:48 mín. Annar varð annar Húnvetningur, Daníel Smári Guðmundsson USAH á 14:02 mín. og þriðji Sigurður Pétur Sigmundsson Ungmennafélagi Akureyrar (UFA) á 14:13 mín. Kom hann því sínu unga félagi á blað í víðavangshlaupinu. Hann varð sigurvegari 1984 og 85 en keppti þá fyrir FH og hefur sett svip sinn á hlaupið gegnum árin, varð t.a.m. þriðji 1974 og annar 1986.

Fyrst kvenna í fjórða sinn varð Martha Ernstdóttir ÍR. Sýndi að hún var í feiknagóðri æfingu með því að koma í tíunda sæti í mark á 14:56 mín. Urðu aðeins níu karlar á undan henni en bæði kynin lögðu saman af stað og hlupu sömu leið. Fríða Rún Þórðardóttir úr Aftureldingu í Mosfellsbæ hafnaði í öðru sæti á tímanum 16:13 mínútur og Hulda Pálsdóttir ÍR varð þriðja á 16:42 mínútum.

„Ég hef æft vel í allan vetur og stefnt að sigri í þessu hlaupi en hélt að ég fengi meiri keppni,“ sagði Gunnlaugur, sem keppti undir merkjum Skagfirðinga (UMSS) þótt Húnvetningur væri. Metþátttaka var í hlaupinu þar sem 155 komu í mark en það er í annað skiptið sem þátttakendur fara yfir hundrað, voru 154 árið 1986. Hlaupið fór að öllu leyti fram innan Hljómskálagarðsins og mæltist það vel fyrir þar sem hinir fjölmörgu áhorfendur, sem lögðu leið sína í garðinn, gátu þannig fylgst með keppninni allan tímann. Vegalengdin var röskir 4 km og hlaupnir rúmlega tveir hringir í garðinum.

Gunnlaugur tók fljótlega forystu í hlaupinu og sleit sig lausan frá þeim sem næstir komu. Jók hann bilið jafnt og þétt. „Þar sem þetta hlaup er heldur styttra en önnur bjóst ég við meiri keppni. En takmarkinu er náð. Þetta var skemmtileg hlaupaleið og ég er ánægður með sigurinn,“ sagði Gunnlaugur. Hann tók þátt í víðavangshlaupinu í fyrsta sinn í fyrra og varð þá í fimmta sæti. Í áttunda sæti varð þjálfari hans til þriggja ára, Gunnar Páll Jóakimsson ÍR sem sigraði í Víðavangshlaupi ÍR 1982.

Gunnlaugur sagðist hafa byrjað að hlaupa sem unglingur á Hvammstanga en síðan gengið til liðs við Ungmennasamband Skagafjarðar er hann stundaði nám í Fjölbrautarskólanum á Sauðárkróki.

ÍR-ingar sigursælir í sveitakeppninni


Gamlar kempur fylgdust með


Jón hljóp sitt 31. hlaup


Húsmóðir úr Mosfellsbæ elst


Engin þátttaka fékkst 1915


Frekar fæ ég verkamenn . . .


Fyrsti íþróttasigur Kaldals


Aðeins ÍR-ingar í fyrstu fjögur skiptin


Þátttakan hefur verið misjöfn


Hátíð til heilla best


Úrslitin 1990


Leikskrá