Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1986

Jón vann eftir harðan slag

Jón Diðriksson sigrar 1986 en það er öðru sinni sem hann kemur fyrstur í mark, fyrra skiptið árið 1978. Kemur hann í mark rétt á undan FH-félaga sínum Sigurði Pétri Sigmundssyni og snerist röð þeirra frá í hlaupinu í fyrra því við. Már Hermannsson UMFK er ekki langt á eftir í þriðja sæti. Öll met voru slegin annað árið í röð í þátttöku í 71. Víðavangshlaupi ÍR, á sumardaginn fyrsta 1986. Í fyrsta sinn í sögu hlaupsins voru keppendur fleiri en hundrað. Í mark komu 121 karl og 32 konur en flestir voru keppendur árið áður, eða 94 samtals. Undanfarin ár hafði keppendum í Víðavangshlaupi ÍR fjölgað með ári hverju og hvert metið af öðru slegið. Var metið í ár þó bara forsmekkurinn að því sem síðar vildi verða með auknu heilsubótarskokki og vaxandi þátttöku skokkara í almenningshlaupum. Var nú svo komið, að trimmurum og heilsubótarskokkurum fannst þeir ekki geta talist hlauparar með meiru nema hafa tekið þátt í þessu sögufræga hlaupi. Meðal galvaskra hlaupara nú voru 22 starfsmenn Iðntæknistofnunar, um 15 starfsmenn sjónvarpsins og um tugur lögreglumanna svo og hópur trimmara af Keflavíkurflugvelli.

Hlaupið hófst sem fyrr í Hljómskálagarðinum og lauk í Tjarnargötu er keppendur höfðu lagt að baki 4 km hring sem lá meðal annars um Vatnsmýrina. Allir bestu millilengda- og langhlauparar landsins voru að sjálfsögðu með í hlaupinu og því var talið að um hörkukeppni gæti orðið um sigur, sem ætíð hefur verið mjög eftirsóttur í hugum keppnishlaupara. Undanfarin tvö ár hafði Sigurður Pétur Sigmundsson FH sigrað í hlaupinu og þótt ekki hafi verið hægt að bóka neinum sigur fyrirfram vegna jafnrar getu hlauparanna var hann talinn sigurstranglegur.

Þegar skotið reið af beið Sigurður Pétur ekki boðanna. Hann tók strax forystu og fór mjög greitt en Jón Diðriksson FH og Már Hermannsson UMFK fylgdu fast eftir. Jón tók forystu er hlaupararnir yfirgáfu Hljómskálagarðinn og héldu út í Vatnsmýri. Rétt eftir að hlaupararnir sneru inn á Njarðargötu til suðurs tók Sigurður Pétur aftur forystu og reyndi að skapa sér forskot með því að auka hraðann talsvert. Jón dróst örlítið aftur úr en Már fylgdi Sigurði sem skugginn. Út undir flugvelli hafði Jón dregið þá aftur uppi og var ekkert að tvínóna, heldur tók forystu á ný og hélt henni þar til komið var að prófessorabústöðunum á bakaleiðinni.

Þröng er næstum á þingi í ræsingunni hjá konunum. Á myndinni eru fremstar (f.v.) Ármannsstúlkurnar Martha Ernstsdóttir, Hulda Pálsdóttir, Steinunn Jónsdóttir og Berglind Sigurðardóttir.Hófst nú keppnin fyrir alvöru. Sigurður Pétur tók forystu við bústaðina og gerði enn eina tilraun til að sleppa frá keppinautum sínum. Varð Már aö gefa eftir en Jón hélt í við Sigurð og voru þeir nær samhliða er komið var inn á Tjarnargötuna á lokasprettinum og röskir 100 metrar í mark. Reyndist Jón sterkari en Sigurður síðustu metrana og sigraði því öðru sinni í hlaupinu, hann vann einnig árið 1978. Hinn eitilharði slagur þeirra Sigurðar Péturs var hápunktur hlaupsins, jafnvel þótt rimmur hafi verið miklar um mörg önnnur sæti, stundum milli margra hlaupara, sem stigu nær samtímis yfir marklínuna.

„Það er ekkert hlaup, sem hefur jafn mikla hefð og á sér jafn mikla sögu og þess vegna setja hlauparar metnað sinn í að vinna þetta hlaup. Ég er ánægður með útkomuna. Keppnin við þá Sigurð Pétur og Má var mjög hörð og skemmtileg. Ég var í betri aðstöðu en Sigurður á lokasprettinum og vann sökum þess. Hann hefur snúið sér að maraþonhlaupum og því ekki með sama endasprett og ég,“ sagði Jón við Morgunblaðið eftir hlaupið. Í DV bætti hann svo við: „Sigurinn var heldur óvæntur – og þó. Ég hef æft nokkuð vel, eiginlega í fyrsta skipti síðan ég kom frá námi í Þýskalandi fyrir 18 mánuðum. Við Sigurður Pétur og Már skiptumst á um forustuna framan af. Þegar þeim tókst ekki að hlaupa frá mér var ég viss um að sigurmöguleikar mínir voru góðir. Var ekki þreyttur og er fljótari en þeir. Það kom lika á daginn. Lokaspretturinn var léttur.“

Jón Diðriksson með sigurvegarabikar Víðavangshlaups ÍR.Sigurður Pétur hafði vænst eftir meiru. „Það voru svolítil vonbrigði að sigra ekki. Ég hafði gert mér vonir um að sigra þriðja árið í röð. Það hefði verið gaman en Nonni Dikk er sterkur núna. Ég reyndi að hrista hann af mér eftir 1500 metra en tókst ekki,“ sagði hann við DV. Hann reyndi hvað hann gat en hafði ekki hraða á við Jón í lokin. „Þessi vegalengd er of stutt fyrir mig,“ sagði Sigurður Pétur.

Fyrst kvenna í mark varð Martha Ernstdóttir, Ármanni. Konur voru ræstar samtímis körlum og kom hún í mark í 21. sæti. Ármenningar áttu fyrstu þrjár konur í mark, allar mjög efnilegar hlaupakonur, og sigur þeirra í sveitakeppninni því öruggur. Jafnframt átti Ármann fyrstu meyjar í mark. Í öðru sæti varð Hulda Pálsdóttir og þriðja stalla hennar Steinunn Jónsdóttir. Í fjórða sæti varð svo Oddný Árnadóttir ÍR, margfaldur methafi og meistari í spretthlaupum.

Auk Jóns og Sigurðar Péturs áttu FH-ingar fjórða mann í mark og sigur þeirra í 3ja manna sveitakeppninni varð því öruggur. Þeir unnu einnig keppni sveinasveita. Í 5 manna sveitakeppni karla var hins vegar mikil barátta milli FH og ÍR, en þeir fyrrnefndu sigruðu, hlutu 42 stig gegn 45 stigum ÍR og 50 stigum KR. ÍR-ingar unnu í 10 manna sveitakeppninni, svo og sveit 30 ára og eldri. KR tefldi fram 3ja, 5 og 10 manna sveitum sem var nýmæli. Í kvennakeppninni urðu Ármenningar sigursœlir, áttu þrjár fyrstu konur í mark og einnig fyrstu meyjar og unnu því í sveitakeppni beggja flokka. Í öllum sveitakeppnum var keppt um bikara sem Morgunblaðið gaf, nema í keppni meyjasveita, þann bikar gaf Júlíus Hafstein, formaður Íþróttabandalags Reykjavíkur.

27. en ekki 30. hlaup


Sívaxandi vinsældir


Manndómspróf


Úrslitin 1986


Leikskrá