Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1980

Ágúst Borgfirðingur sigraði

Finnsk-íslenskt einvígi var háð um sigur í 65. Víðavangshlaupi ÍR, á sumardaginn fyrsta 1980. Skemmileg keppni var um flest sæti í hlaupinu og enginn öruggur með ákveðin sæti. Nutu fjölmargir áhorfendur á Austurvelli baráttu hlauparanna á lokasprettinum í Kirkjustræti en hlaupinu lauk við Alþingishúsið. Í sveitakeppni tókust ÍR og UBK á og skiptu þar með sér sigrum, sumum naumum.

Þrír fyrstu í 65. Víðavangshlaupi ÍR (f.v.): Steindór Tryggvason KA er varð þriðji, sigurvegarinn Ágúst Þorsteinsson UMSB og Mikko Häme ÍR sem varð annar.Úrslit síðustu ára sýna að með hverju árinu sem líður eykst breiddin í röðum víðavangshlauparanna og gerir það keppnina skemmtilega. Af þeim sökum varð sveitakeppnin harðari og meira spennandi en oft áður.

Þrír hlauparar skáru sig þó nokkuð úr í byrjun og fóru geyst, þeir Ágúst Þorsteinsson UMSB, Mikko Häme ÍR og Steindór Tryggvason KA. Þeir Ágúst og Mikko fylgdust lengi að, en þar kom að sá fyrrnefndi opnaði á milli þeirra það bil sem dugði honum til síns fyrsta sigurs í þessu sögufræga hlaupi. Ágúst hinn borgfirski hljóp vel og ljóst að hann var að komast í góða æfingu, en hann hafði átt við meiðsli að stríða sumarið í fyrra og fram á haust.

Ágúst sýndi af sér sömu hörku og áður í víðavangshlaupum vetrarins, sem hann vann flest, og sigraði verðskuldað í víðavangshlaupi ÍR. Mikko og Steindór voru einnig í betri æfingu en í fyrra og því þótti einsýnt, að skemmtilegt yrði að fylgjast með þessum þremur hlaupurum á hlaupabrautinni í sumar.

En það voru fleiri sporléttir en þrír fyrstu. Flestallir keppendurnir, en þeir voru 74 talsins, 50 karlar og 24 konur, komu hressir í mark. Ljóst var að flestir sem þátt tóku í hlaupinu höfðu einhverja æfingu að baki, en það hefur viljað brenna við að óæfðu fólki er att út í erfiða þolraun á borð við víðavangshlaup.

Guðrún Karlsdóttir UBK sigraði af öryggi í kvennakeppni hlaupsins og stöllur hennar úr UBK urðu í næstu þremur sætum. Thelma Björnsdóttir UBK var fjarri góðu gamni þar sem hún átti við lasleika að stríða. Í öðru sæti varð Hrönn Guðmundsdóttir, sem síðar átti eftir að verða öflugur hlaupari í millivegalengdum. Þriðja varð systir Guðrúnar, Sóley Karlsdóttir, fjórða Sólveig Kristjánsdóttir og fimmta Bryndís Hólm ÍR, sem átti eftir að setja met og vinna góða sigra á frjálsíþróttavellinum síðar meir.

Það var einkennandi fyrir hlaupið, að flestir keppendurnir voru annaðhvort úr ÍR eða UBK, en þessi félög hafa öðrum fremur lagt áherslu á víðavangshlaupin. Dágóður hópur var frá báðum félögum í elsta hópnum, en í þeim flokki var sveit Glímufélagsins Ármanns í sérflokki.

ÍR og UBK bitust um bikarana


Hlaupið mörgum yrkisefni


Úrslitin 1980


Leikskrá