Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1979

Ágúst sigrar sjötta sinni og setur met

1979-1 agas sigrar Áttundi áratugurinn var áratugur hlaupara úr ÍR í víðavangshlaupi félagsins. Unnu þeir hlaupið hvað eftir annað og flestar sveitakeppnir líka. Einn þessara hlaupara braut blað í sögu hlaupsins í 64. Víðavangshlaupi ÍR, sumardaginn fyrsta 1979.

Það var Ágúst Ásgeirsson sem þá fór með sigur af hólmi í sjötta sinn en enginn annar hlaupari hafði jafn oft komið fyrstur í mark. Bætti Ágúst met Kristleifs Guðbjörnssonar úr KR sem unnið hafði fimm sinnum, en það afrek jafnaði Ágúst árið 1977. „Ég hef stefnt að þessu í allan vetur, æft mjög vel. Þetta var erfitt, en þreytan hverfur strax, þegar maður hefur sigrað og vissulega var það mikið takmark að ná þessum sigri,“ sagði Ásgeir Ágústsson (svo) eftir hlaupið við Dagblaðið.

Vegalengdin var 4 km og lagt af stað í Hljómskálagarðinum. Leiðin svo gott sú sama og í fyrra með endamark við Alþingishúsið. Ágúst fékk framan af fylgd fyrstu tvo kílómetrana af Ágúst Þorsteinssyni UMSB og Steindóri Tryggvasyni KA á Akureyri. Eftir það kepptu þeir nafnarnir um sigurinn og þótt ÍR-ingurinn reyndist harðari á lokasprettinum var sigur hans ekki fyrirhafnarlaus. Ágúst Borgfirðingur hafði verið nær ósigrandi á víðavangshlaupum vetrarins og því þótti sigur Ásgeirssonar þeim mun athyglisverðari, eins og Dagblaðið komst að orði.

„Þetta var frekar erfitt hlaup, ég fékk slæman hlaupasting og það háði mér,“ hafði Morgunblaðið eftir sigurvegara hlaupsins. Ég fann mig vel í byrjun hlaupsins og varð fljótlega viss um að mér tækist að sigra í hlaupinu. Ég hef æft vel að undanförnu og undirbúið mig af kostgæfni undir hlaupið og yfir mig ánægður með að hafa sigrað í því“

Nýútskrifaðir leikarar, síðar landsfrægir grínistar,  settu mark sitt á Víðavangshlaup ÍR 1979. Þegar í mark kom skemmtu þeir viðstöddum með spaugi. Frá vinstri: Karl Ágúst Úlfsson, Sigurður Sigurjónsson, Guðjón Petersen og Jóhann Sigurðsson.ÍR-ingar áttu auk Ágústs fjórða og fimmta mann í mark, þar sem voru þeir Sigfús Jónsson og Stefán Friðgeirsson. Voru þeir því sigursælir í hlaupinu og unnu 3ja, 5 og 10 manna sveitakeppni karla. Ármenningar unnu keppni sveita 30 ára og eldri og sveit UBK varð hlutskörpust í sveinaflokki..

Thelma Björnsdóttir Breiðabliki sigraði með yfirburðum í kvennaflokki og Guðrún Karlsdóttir úr sama félagi varð önnur. Fór UBK því með öruggan sigur af hólmi í 3ja kvenna sveit. Alls lauk 91 hlaupinu, 67 karlar og 24 konur. Aðeins einu sinni höfðu fleiri lokið keppni, árið 1977 en þá voru þeir 93. Í hópi keppenda voru margir kunnir kappar auk fjögurra leiklistarnema, sem runnu skeiðið í kjólfötum og vakti uppátæki þeirra mikla kátínu viðstaddra.

Smellið hér til að sjá fleiri myndir

 

Þrír garpar heiðraðir


Jón dregur á Oddgeir


Hafa sigrað fjórum sinnum


Leiklistarnema stálu senunni


Frægir kappar kepptu


Móðgandi að fara fram úr stjörnunum


Úrslitin 1979


Leikskrá