Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1978

Jón stakk af í Vatnsmýrinni

Bryndís Hólm kemur í mark, aðeins 12 ára gömul en hún átti eftir að láta mjög að sér kveða á frjálsíþróttavellinum.Það vissi á gott að koma heim frá Englandi til að keppa í Víðavangshlaupi ÍR á sumardaginn fyrsta. Þar ytra voru aðstæður til æfinga auðveldari og þeir sem nutu þeirra í betri æfingu en heimamenn. Svo reyndist vera 1974, 1975 og 1976. Og Jón Diðriksson úr UMSB sannaði þessa reglu með yfirburðasigri í hlaupinu 1978.

Jón var við nám í Newcastle í Englandi og kom gagngert heim til keppni fyrir félag sitt í Víðavangshlaupinu. Meðal keppinauta voru flestir bestu hlauparar landsins og sigurvegari síðustu tveggja ára, Ágúst Ásgeirsson ÍR. Útlit hafði þótt fyrir hörku keppni en svo fór að af mótherjunum hafði Jón litla keppni. Hann tók forystuna þegar í upphafi og var langfyrstur þegar hlaupararnir komu út úr Vatnsmýrinni. Fyrst um sinn fylgdu Ágúst og Gunnar Páll Jóakimsson honum eftir, en í Vatnsmýrinni, við flugvallarendann, þakkaði Jón fyrir fylgdina og hljóp frá þeim. Sigraði hann með miklum yfirburðum í 63. Víðavangshlaupi ÍR. Ágúst varð annar og Gunnar Páll þriðji.

Vegalengdin sem hlaupin var var um 4 km. Alls tóku 84 keppendur þátt í hlaupinu sem hófst við Hljómskálann og endaði við Alþingishúsið. Aðeins einu sinni höfðu þeir verið fleiri eða 93 árið áður. Ákveðið var að færa endamark hlaupsins inn á Austurvöll vegna skemmtanahalds skáta í Austurstræti þar sem markið var árin þrjú á undan. Var það vel til fundið en þar fylgdist mikill fjöldi fólks með hlaupinu enda var veður fallegt og fagurt á sumardaginn fyrsta er hlaupið fór fram.

Eftir hlaupið sagðist Jón aldrei hafa verið í svo góðri æfingu áður sem nú og hlaupið hafi ekki verið sérlega erfitt. „Að undanförnu hef ég hlaupið um og yfir 100 km á viku á æfingum og stefni ég að því að ná lágmarkinu í 1500 m fyrir Evrópumeistaramótið í sumar,“ sagði Jón sem sneri aftur til Englands dagana eftir hlaupið.

Jón Diðriksson UMSB kemur langfyrstur í mark í Víðavangshlaupi ÍR 1978.„Það er alltaf erfitt að hlaupa í Víðavangshlaupi ÍR, maður tekur á í öllum hlaupum, en ég er í góðri æfingu. Hefði getað náð betri tíma ef þess hefði þurft með,“ sagði Jón við Dagblaðið, sem var ekki óspart á hrósið er hinn hávaxni hlaupari hafði farið með sigur af hólmi í hlaupinu í fyrsta sinn. „Jón Diðriksson, sem aðeins er 22ja ára, er mesta efni, sem fram hefur komið í hlaupum á Íslandi á millivega- og einnig á lengri vegalengdum. Það hef ég víst oft skrifað um áður og aðeins spurning hvenær Jón kemst í hóp bestu hlaupara í Evrópu. Kannski í sumar?“ skrifaði Hallur Símonarson, gamall hlaupari úr ÍR, í blað sitt. Við hann sagði Jón ennfremur: „Ég hef ekki æft meira en áður á Englandi en þetta slitnar aldrei í sundur hjá manni eins og vildi gera hér heima.“

Margar stúlkur tóku þátt í hlaupinu en fyrst í mark varð 14 ára Kópavogsmær, Thelma Björnsdóttir sem átti eftir að láta til sín taka á hlaupabrautinni. Önnur varð sigurvegari síðasta árs, Aðalbjörg Hafsteinsdóttir HSK og þriðja tæplega 13 ára ÍR-stúlka, Bryndís Hólm, sem síðar átti eftir að gera garðinn frægan í frjálsíþróttum.

Smellið hér til að sjá fleiri myndir

 

ÍR-ingar sigursælir í sveitakeppninni


Útlendingar elstir


Fengu ÍR-kubbinn


Skólamenn hlupu saman


Úrslitin 1978


Leikskrá