Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1973

Ragnhildur á undan strákunum

Vísi þótti athyglisvert að Ragnhildur kæmi fyrst í mark. Á myndinni með frétt blaðsins má sjá Ágúst og Einar í harðri rimmu að baki Ragnhildar. Konunum var skotið af stað nokkrum mínútum á undan körlunum og því tókst svona skemmtilega til.Mikla athygli vakti í 58. Víðavangshlaupi ÍR að það var stúlka sem kom fyrst í mark, Ragnhildur Pálsdóttir, UMSK. Þessu hafði enginn reiknað með en skýringin er sú, að stúlkurnar voru ræstar af stað um tveimur mínútum á undan körlunum. Ragnhildur hljóp það rösklega að þeir náðu henni aldrei alveg, hún sleit marksnúruna nokkrum metrum á undan þeim. Tími hennar hefði annars dugað til 13. sætis af 30 í karlaflokki.

„Ég varð ekki vör við strákana í hlaupinu – heyrði þó aðeins í þeim, þegar ég kom í markið í lokin,“ sagði Ragnhildur eftir hlaupið. Hún var í algjörum sérflokki meðal stúlknanna í hlaupinu, hafði farið mikið fram og þótti eiga eftir að gera stóra hluti um sumarið. „Þyrfti engan að undra þótt Ragnhildur yrði næsta stórstjarna Íslendinga í frjálsum íþróttum ef svo heldur sem horfir,“ sagði Morgunblaðið um hina stórgóðu frammistöðu Ragnhildar.

Annað árið í röð bar Ágúst Ásgeirsson ÍR sigur úr býtum í hlaupinu. Þótt sigurinn væri nokkuð öruggur veitti hinn ungi UMSK-hlaupari Einar Óskarsson honum þó verðuga keppni, svo og Sigfús Jónsson ÍR. Var Sigfús fyrstur er út úr Hljómskálagarðinum kom, en þá tók Einar við forystunni og hélt henni um stund, eða þar til Ágúst seig fram úr honum á endasprettinum.

„Þetta var mjög erfitt hlaup, einkum í kálgörðunum úti í Vatnsmýrinni. Ég eyddi miklum kröftum við að ná forustunni, en tók það ráð í mýrinni að láta þá Einar og Sigfús fara fram úr mér. Í Hljómskálagarðinum náði ég þeim aftur – hljóp síðan aðeins upp á sigurinn. Fór fram úr Einari rétt við markið. Já, þetta var erfitt hlaup, mér fannst ég vera þungur. Kannski í of mikilli æfingu,“ sagði Ágúst við Vísi eftir að hann hafði komið fyrstur í mark.

Kappið hefst 1973. Á myndinni má þekkja (f.v.): Júlíus Hjörleifsson ÍR, Ásgeir Þór Eiríksson ÍR, Ágúst Ásgeirsson ÍR, Gunnar Pál Jóakimsson ÍR, Sigfús Jónsson ÍR, Markús Einarsson UMSK, Einar Óskarsson UMSK, Emil Björnsson KR, Gunnar Ómar Gunnarsson UNÞ, Jón Guðlaugsson og Jóhann Garðarsson Ármanni.Keppnin var mjög tvísýn undir lokin, að sögn Vísis. Einar, Sigfús og Ágúst skáru sig úr um hálfnað hlaup – og greinilegt að keppnin um fyrsta sætið stóð á milli þeirra. Þeir voru svipaðir í Hljómskálagarðinum á bakaleiðinni, en þar gaf svo Sigfús aðeins eftir – en sótti svo aftur á undir lokin. Einar, hlauparinn efnilegi úr Kópavogi, hafði forustuna, þegar komið var út úr Hljómskálagarðinum og inn á Fríkirkjuveg. Svo virtist lengi vel, sem hið óvænta ætlaði að ske, að hann yrði sigurvegari. En Ágúst sýndi að hann var mikill keppnismaður og þó þreyttur væri tókst honum að komast upp að hlið Einars um 15 metra frá marki – og seig svo framúr á síðustu metrunum. Sigurinn var hans, sagði blaðið.

Sigurvegarar í flokkum karla og kvenna, Ragnhildur Pálsdóttir UMSK og Ágúst Ásgeirsson ÍR.Tíminn sagði að þótt aðstæðurnar hafi ekki verið alltof góðar hafi verið áberandi í þessu hlaupi, að keppendur voru í mun betri þjálfun en áður, enda hefðu farið fram mörg víðavangshlaup yfir veturinn. „Ef allt fer eins og horfir, má búast við góðum tímum á fyrstu mótum á braut,“ sagði Tíminn. Á sömu nótum skrifaði Morgunblaðið og sagði: „Í hlaupi þessu fékkst enn ein staðfesting á því að hér er að koma fram harðsnúinn flokkur hlaupara, sem gaman verður að fylgjast með á hlaupabrautinni í sumar. Þar eiga hlut að máli, ekki aðeins þeir þrír piltar, sem nefndir hafa verið, heldur og margir aðrir, sem stóðu þeim lítt að baki í þessu hlaupi. Ættu frjálsíþróttamótin að geta orðið með líflegra móti í sumar, en það er einmitt skemmtileg keppni í hlaupum sem veitir áhorfendum mesta skemmtun.“

ÍR sigraði með miklum glæsibrag í sveitakeppni Víðavangshlaupsins, hirti þar öll verðlaun sem keppt var um. Greinilega voru sveitir þeirra best undir þetta hlaup búnar og ákveðnar í að ná settu marki. Í keppni 3ja manna sveit hlaut ÍR 8 stig, UMSK 15 og KR 24. Í 5 manna sveitum hlaut ÍR, a-sveit, 26 stig, UMSK 29 stig, og ÍR, b-sveit 71 stig. Í 10 manna sveitum hlaut ÍR 97 stig og UMSK 115 stig. Í kvennaflokki var aðeins sveit frá ÍR. Félagið átti einnig elstu sveit í keppninni og hlaut fyrir það bikar. Hún var 106 ára en sveit frá UMSK var 103 ára. Jón Guðlaugsson HSK keppti i 14 sinn i hlaupinu. Hann er 47 ára og fékk sérstakan bikar.

Trimmið og Guðmundur


Úrslitin 1973


Leikskrá