Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1970

Halldóri dæmdur sigurinn

Langt var síðan jafngóð þátttaka og eins spennandi keppni hafði verið í Víðavangshlaupi ÍR og hinu 55. í röðinni. Hóf 31 keppandi hlaupið og allir komu þeir í mark. Sigurvegari varð Halldór Guðbjörnsson KR eftir mikla baráttu við hinn unga og efnilega ÍR-ing Sigfús Jónsson. Sá ljóður var á framkvæmd hlaupsins að endamark var ekki auðkennt og vissi hvorugur hvar markið var er þeir Halldór og Sigfús hlupu hnífjafnir allan Fríkirkjuveginn svo illmögulegt var að átta sig á hvor var á undan. Dómarar hlaupsins dæmdu að endingu Halldóri sigurinn.

Halldór (t.v.) og Sigfús berjast um sigurinn 1970.Sólskin var er hlaupið hófst en norðan gola og nokkuð kalt. Þegar hlaupararnir sneru við Vatnsmýri og stefndu niður í miðborgina höfðu þeir Sigfús og Halldór tekið afgerandi forystu og bitust hart. Þegar þeir komu inn í Hljómskálagarð aftur eftir hring í Vatnsmýri og áttu um 300 metra eftir í mark, hófst gríðarleg barátta milli þeirra. Hlupu þeir samsíða lengst af og komu þannig í markið að vart skildi sjónarmunur. Halldóri var dæmdur sigurinn sem fyrr segir en báðir hlutu þeir Sigfús nákvæmlega sama tíma. Var 55. hlaupið eitt það jafnasta og skemmtilegasta sem verið hafði frá upphafi. Talið var strax þá, að eflaust yrði gaman að fylgjast með viðureign þeirra á hlaupabrautinni um sumarið þar sem báðir höfðu æft vel um veturinn. Þótti rimma þeirra í Víðavangshlaupinu benda til þess, að þeir ættu eftir að skemmta áhorfendum vel á frjálsíþróttamótum.

Eins og fyrr segir voru Halldór og Sigfús í sérflokki, þriðji maður, Eiríkur Þorsteinsson KR, varð 27 sekúndum á eftir og fjórði maður, Marteinn Sigurgeirsson HSK, 58 sekúndum á eftir. Vann hann á endasprettinum Ágúst Ásgeirsson ÍR sem varð fimmti í sínu fyrsta Víðavangshlaupi ÍR.

Í sveitakeppni 55. Víðavangshlaups ÍR kom sveit KR í veg fyrir að sveit UMSK ynni bikar Hagtryggingar þriðja árið í röð og þar með sveitarbikarinn til eignar. KR-ingar hlutu 11 stig, ÍR varð í öðru sæti með 14 stig og UMSK í þriðja sæti með 20 stig.

UMSK sigraði hins vegar í fimm manna sveitakeppninni með 41 stigi eftir harða keppni við ÍR-inga sem hlutu 46 stig. Í þriðja sæti varð KR með 51 stig. Með þessum þriðja sigri í röð hlaut UMSK til eignar bikar þann sem um var keppt og Gunnar Ásgeirsson hf. gaf. Sambandið vann einnig 10 manna sveitakeppninni þriðja árið í röð, hlaut 93 stig en ÍR 117 stig, og eignaðist því bikar gefinn af olíufélaginu Skeljungi.

Alls mætti 31 hlaupari til leiks en 13 skráðir keppendur komu hvergi, þar á meðal var gamall sigurvegari úr hlaupinu, Kristleifur Guðbjörnsson KR. Hlaupið hófst í Hljómskálagarðinum og eftir hring í honum lá leiðin suður undir gamla Tívolí. Þaðan vestur yfir mýrina í átt að prófessorabústöðunum og síðan norður milli stúdentagarðsins nýja og Norræna hússins, yfir háskólavöllinn, að nýju gegnum Hljómskálagarðinn og endað við norðurenda gamla Miðbæjarbarnaskólans.

Fjölmiðlum var tíðrætt um þátttöku dr. Gunnlaugs Þórðarsonar lögfræðings í hlaupinu, en segja má að hann hafi verið fyrsti heilsubótarskokkarinn til að mæta í það – og yfirleitt í kapphlaup. Þeim átti eftir að fjölga mjög í áranna rás og almenningshlaupum sömuleiðis, en Víðavangshlaup ÍR taldist ekki sem slíkt á þessum tíma.

„Því miður hefur þróunin orðið sú, hér hjá okkur, að víðavangshlaupin hafa orðið hlaup keppnismanna, en ekki almennings. Þó var sú breyting á nú að einn þátttakenda hefur aldrei fyrr tekið þátt í hlaupakeppni né nokkurri íþróttakeppni, en það var dr. Gunnlaugur Þórðarson. Gunnlaugur, sem er rúmlega fimmtugur að aldri, hefur nýverið tekið að iðka hið svokallaða „skokk“ og sagði hann eftir hlaupið, að sig hefði langað til að reyna þetta, enda liti hann á víðavangshlaup sem almenningsíþrótt. Að sjálfsögðu varð hann síðastur keppenda í mark á rúmum 16 mínútum, en hann sagði það engu máli skipta, aðalatriðið væri að vera með og eru það orð að sönnu. Mættu fleiri taka dr. Gunnlaug sér til fyrirmyndar í þessu,“ sagði Þjóðviljinn um þátttöku lögmannsins og endurspeglaði sama viðhorf til þátttöku hans og aðrir miðlar. ÍR-ingar þökkuðu Gunnlaugi frumkvæðið og leystu hann út með eignarbikar sem Magnús E. Baldvinsson gaf í þessu skyni.

Vildi Hljómskálahlaup í stað víðavangshlaupsins


Satt best að segja


Manndómspróf


Gelgjuskeið á sextugsaldri


Snauð menning


Úrslitin 1970