Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1968

Austfirðingurinn sigldi fram úr

Örn Agnarsson UÍA kom á óvart með sigri sínum. Árið 1968 urðu þau kaflaskipti í Víðavangshlaupi ÍR, ef svo mætti orða það, en þá fór Austfirðingur í fyrsta sinn með sigur af hólmi – og það mjög óvænt. Og hann var ungur í þokkabót, á 19. aldursári. Þessi ungi maður var Örn Agnarsson og var þetta í fyrsta sinn sem hann tók þátt í laupinu.

Örn var Norðfirðingur og stundaði nám í skrifvélavirkjun í Reykjavík. Hann hafði æft hjá ÍR og vakið athygli fyrir ágætan árangur í innanhússmótum um veturinn. Af þeim sökum og vegna sigursins í Víðavangshlaupinu var þess vænst að hann sýndi miklar framfarir á hlaupabrautinni um sumarið.

Breiðablik í Kópavogi (UBK) átti þrjá næstu menn. Annar varð Þórður Guðmundsson, kom í mark rúmum átta sekúndum á eftir Erni; Þriðji varð Gunnar Snorrason og fjórði Trausti Sveinbjörnsson. UBK átti einnig áttunda til fjórtánda mann og var eina liðið sem tefldi fram í sveitakeppni hlaupsins. Sneru hlauparar félagsins því heim í Kópavog með þrjá bikara, fyrir sigur í 3ja, 5 og 10 manna sveitum. Er óhætt að segja, að Kópavogsmenn hafi sett mikinn svip á hlaupið. Þeir mættu 10 til leiks en aðeins fjórir keppendur voru frá jafn mörgum félögum öðrum; UÍA, KR, ÍR og HSK.

Er hlaupararnir birtust á bakaleiðinni í Hljómskálagarðinum hvað frá þuli hlaupsins „Þórður Guðmundsson kemur fyrstur“. Og þeir, sem stóðu við endamarkið hjá Miðbæjarskólanum, sáu Þórð hlaupa út úr Hljómskálagarðinum og inn á Fríkirkjuveginn. En skyndilega birtist annar hlaupari við hliðina á honum og fór greiðlega fram úr. Hér var kominn Austfirðingurinn fljúgandi, Örn Agnarsson. Engin snúra var við endamarkið til að slíta og þegar Örn nálgaðist markið vissi hann ekki nákvæmlega, hvar hann átti að hætta. Guðmundur Hermannsson, yfirlögregluþjónn og Íslandsmethafi í kúluvarpi, var við endamarkið og vísaði hinum unga Austfirðingi í mark.

Nokkur truflun varð á hlaupinu vegna óvæntra atvika, því að um það leyti er hlaupið hófst kviknaði í Hótel Sögu og safnaðist þar saman margt fólk og bílar svo að keppendur áttu í erfiðleikum að komast yfir Hringbrautina. Einnig varð bruninn þess valdandi að endamarkið var ómerkt og engin marksnúra, því að formaður ÍR, Gunnar Sigurðsson, sem er varaslökkviliðsstjóri jafnframt, var með flögg og annað hlaupinu tilheyrandi, en tafðist svo við slökkvistarfið að hann komst ekki í tæka tíð til að vera við hlaupið. Ofan á þetta bættist að veifum sem settar höfðu verið upp til að marka hlaupaleiðina, hafði flestum verið stolið svo að hlaupararnir villtust af leið. Allir skiluðu sér þó í mark. Talsvert af áhorfendum hafði safnast saman í Hljómskálagarði til að fylgjast með Víðavangshlaupinu en bruninn á Sögu reyndist skæður keppinautur þess um áhorfendur og flykktust menn vestur eftir til að fylgjast með framvindu mála.

Smellið hér til að sjá fleiri myndir

Vetrarríki


Fullorðnir hlauparar mæti


Af hverju mæta ekki fótboltamenn?


Villtust af leið


Æfði hjá Guðmundi


Eiga heiður skilinn


Horfði á


Manndómspróf


Veglegir bikarar


Úrslitin 1968


Leikskrá