Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1966

Fararstjórinn skrapp úr fötunum

Í 51. Víðavangshlaupi ÍR, 1966, settu Skarphéðinsmenn sterkan blæ á upphaflegan tilgang hlaupsins, þ.e, sveitakeppnina. Þeir einir áttu sveit í hverjum flokki hennar, 3ja, fimm og 10 manna. Stóð það þó mjög tæpt. Vegna slæmrar færðar mættu sumir þeirra ekki fyrr en á síðustu stund og voru þá 9 komnir af 16. En frekar en Skarphéðinn missti af 10 manna bikarnum sem félagið vann í fyrra, fór fararstjórinn Hafsteinn Þorvaldsson, lögreglumaður á Selfossi, úr fötum á síðustu stundu og hljóp vegalengdina. Varð hann að vísu síðastur að marki en var þó vel fagnað.

Halldór Guðbjörnsson KR sigrar í 51. Víðavangshlaupi ÍR, 1966. Agnar Leví er skammt undan.Dagblaðið Vísir sagði að Héraðssambandið Skarphéðinn ætti sannarlega heiður skilinn fyrir þátttöku sína í Víðavagnshlaupi ÍR. „Án þeirra 10 íþróttamanna, sem hlupu frá HSK, hefði þetta orðið heldur lágkúrulegt hlaup. Upphaflega var gert ráð fyrir 27 keppendum en 6 keppendur Skarphéðins gátu ekki mætt til leiks og þeir Keflvíkingar, sem ætluðu að vera með mættu ekki, og sigurvegarinn í fyrra, Kristleifur Guðbjörnsson úr KR, mætti ekki vegna anna á öðrum vettvangi.

Það vakti mikla athygli hversu löng bið varð eftir 14. og síðasta manninum í þessu hlaupi. Hann kom loks í mark og þá fékkst skýringin. Þetta var fararstjóri flokksins, Hafsteinn Þorvaldsson, sem hafði fengið að láni íþróttabúning og hljóp með enda þótt hann hefði raunar ekki farið til höfuðborgarinnar í því skyni að hlaupa í þessari hefðbundnu grein, sem hefur löngum verið nokkurs konar vorboði sumaríþróttanna. En Hafsteinn skilaði sér sem sagt um síðir og þegar hann rann í markið höfðu 10 Skarphéðinsmenn lokið keppni og þar með unnið 5 og 10 manna sveitarkeppnirnar. Höfðu Skarphéðinsmenn nú heim með sér tvo bikara, báða til eignar; bikar gefinn af starfsmönnum íþróttavallanna fyrir 5 manna sveitakeppnina og bikar gefinn af ÍR fyrir 10 manna sveitakeppnina,“ sagði Vísir

Þótt þátttaka úr Reykjavíkurfélögunum ylli vonbrigðum – enginn keppandi frá félaginu sem hlaupið var kennt við – stóð geysihörð baráttan um sigur milli KR-inganna Halldórs Guðbjörnssonar og Agnars Levý og var hún hin skemmtilegasta. Agnar var á undan þegar hlaupararnir komu á Fríkirkjuveginn í lokin. En þótt Halldór ætti betri endasprett lauk mikilli baráttu þeirra um fyrsta sætið ekki fyrr en á síðustu metrunum er Halldóri tókst að skjótast frá Agnari og hreppa fyrstu verðlaun. Var þetta fyrsti sigur hans í Víðavangshlaupi ÍR.

Í þriðja sæti varð mjög efnilegur Akureyringur, Baldvin Þóroddsson, sem sýndi góða tilburði og kom í mark aðeins 5,7 sek. á eftir Halldóri. Þriðji KR-ingurinn, Norður-Þingeyingurinn Marinó Eggertsson varð fjórði og þar með unnu KR-ingar yfirburðasigur í 3ja manna sveitakeppninni, hlutu sex stig en HSK 15. Hlutu þeir í annað sinn bikar sem Þjóðviljinn gaf til hlaupsins árið 1964. Í næstu 10 sætum á eftir Marinó í mark komu Skarphéðinsmenn og tryggðu sér þar með sigur í 5 og 10 manna sveitarkeppni.

Dagblaðinu Vísi þótti þrengt að Víðavangshlaupi ÍR með hlaupum sem fram fóru í nágrannabæjunum á sama tíma og var mikið niðri fyrir.
„Er sannarlega ástæða til að þakka utanbæjarmönnum fyrir glæsilega þátttöku þeirra og harma um leið að nágrannabæirnir Kópavogur og Hafnarfjörður skuli ekki geta verið með í þessu hlaupi í stað þess að halda gjörsamlega misheppnuð hlaup heima fyrir. Það er [. . .] leiðinlegt til að vita að Víðavangshlaup ÍR skuli ekki fá að vera í friði sem slíkt. Það er alíslenskt fyrirbæri að ef einhverjum dettur eitthvað gott í hug hafa tugir manna hermt eftir og fetað í sömu fótspor. Þannig er það með þessi víðavangshlaup, hlaupin í Kópavogi og Hafnarfirði eru hrein eftiröpun og ættu að leggjast niður, enda er Viðavangshlaup ÍR á 50 árum búið að tryggja sér þann sess að litið er á það sem nokkurs konar landsmót.“

Eins og undanfarin ár lögðu keppendur af stað í hlaupið úr norðvesturhorni litlu tjarnarinnar. Lá leiðin með henni að Hljómskálanum, og þaðan í frá yfir Hringbraut, skáhallt yfir mýrina neðan við Háskólann að Njarðargötu og eftir henni til baka inn í Hljómskálagarðinn aftur. Síðan eftir Fríkirkjuvegi en hlaupið endaði svo fyrir neðan Miðbæjarskólann.

Ekki nóg að auglýsa


Aðeins þrír Reykvíkingar


Fararstjórinn maður dagsins


Litlar hetjur?


Úrslitin 1966


Leikskrá