Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1965

Glæsibragur á 50. hlaupinu

Fimmtugasta Víðavangshlaupið að hefjast. Halldór Guðbjörnsson hefur tekið forystuna, þá koma Hafsteinn Sveinsson, Agnar Leví, Helgi Hólm og Kristleifur Guðbjörnsson.Á ýmsu hafði oltið þau 50 ár sem liðin voru frá því Víðavangshlaup ÍR var háð í fyrsta sinn. Merkilegt hlýtur að teljast að hlaupið féll aldrei niður á því tímabili. Aðeins einu sinni reyndist nauðsynlegt að fresta hlaupinu vegna veðurs fyrsta sumardag. Á stundum gekk erfiðlega að fá menn til þátttöku í hlaupinu og fæstir hafa hlaupararnir orðið fjórir, eða í fyrra.

Meiri reisn var yfir hlaupinu í ár, því fimmtugasta í röðinni.Auðséð var að forráðamenn félagsins höfðu reynt að vanda til þessa afmælishlaups. Þátttakan hafði sjaldan verið meiri og áhorfendur til mikilla muna fleiri en mörg undanfarin ár. Fór fimmtugasta Víðavangshlaup ÍR fram með miklum glæsibrag.

Þúsundir manna horfðu á endasprett hlaupsins og margt af því fólki hafði einnig verið við upphaf þess. Á honum tryggði Kristleifur Guðbjörnsson KR sér öruggan sigur og raunar átti KR þrjá fyrstu menn í mark og vann félagið því þriggja manna bikarinn með lægstu mögulegu stigatölu.

Skráðir þátttakendur í afmælishlaupinu voru 37 frá sjö félögum, en 33 hófu keppni og luku henni allir. Aðeins einu sinni áður höfðu þeir verið fleiri, eða árið 1922 en þá komu 38 hlauparar í mark. Árið 1932 gerðu það 32 hlauparar í þessari elstu erfðavenju íslenskra frjálsíþrótta – og reyndar allra íslenskra íþrótta.

Fimmtugasta hlaupið nýhafið en hér má þekkja (f.h.) Marinó Eggertsson, Helga Hólm, Halldór Guðbjörnsson, Agnar Leví, Hafstein Sveinsson, Jón H. Sigurðsson, Kristleif Guðbjörnsson og Jón Guðlaugsson, sem enn er að og hleypur líklega hundraðasta hlaupið.Hlaupið hófst í Hljómskálagarðinum klukkan 14:15 og var hlaupið suður fyrir prófessorabústaðina, um Vatnsmýrina og aftur inn í Hljómskálagarð. Endaspretturinn var svo Fríkirkjuvegurinn og Lækjargatan. Endamarkið var beint niður af Menntaskólanum í Reykjavík. Þar voru á að giska sex þúsund manns til að fylgjast með endaspretti hlaupsins, án efa einhver sá mesti áhorfendafjöldi sem horft hefur á þetta sögufræga hlaup.

Úrslitin í hlaupinu komu nokkuð á óvart. KR-ingarnir þrír, sem þátt tóku í hlaupinu, röðuðu sér í fremstu sætin, en hinn góðkunni hlaupari Kristleifur Guðbjörnsson varð þeirra hlutskarpastur. Þremur sekúndum á eftir honum varð Agnar J. Levy og 20 sekúndum síðar lauk Halldór bróðir Kristleifs hlaupinu í þriðja sæti. Aðeins einn keppandi í viðbót var frá höfuðborginni, Þórarinn Arnórsson ÍR, sem varð fimmti í röðinni, en hann sigraði í hlaupinu í fyrra.

Kristleifur tók forystuna fljótlega og hélt henni hlaupið á enda. Agnar var ætíð á hælum hans og stöðugt ógnandi en á endanum vann Kristleifur nokkuð létt.. Lengi vel fylgdi Halldór þeim fast eftir. KR-ingarnir þrír hlupu létt og vel og voru án efa í góðri æfingu, einkum Kristleifur og Agnar.

Kristleifur Guðbjörnsson KR kemur í mark. Agnar Leví er ekki langt að baki. Fyrirsögnin er all ólík þeim árið áður er keppendur voru aðeins fjórir.Næstu fjórir menn háðu allharða baráttu um fjórða sætið og ekki sýnt hvernig hún færi fyrr en á lokasprettinum í Lækjargötunni. Lauk henni með óvæntum sigri efnilegs tvítugs hlaupara úr Kópavogi, Þórðar Guðmundssonar. Þórarinn Arnórsson fór fram úr Hafsteini Sveinssyni að heita mátti á marklínunni, en Marinó Eggertsson úr Norður-Þingeyjarsýslu kom svo rétt á eftir Hafsteini í mark. Komu svo keppendur hver af öðrum í mark og skiluðu sér allir sem lagt höfðu af stað sem var óvenjulegt.

Fyrir að renna fyrstur í mark hlaut Kristleifur sérstaka styttu sem Morgunblaðið gaf sigurvegara afmælishlaupsins til eignar.

Með því að eiga fyrstu þrjá menn í mark var sigur KR-inga í keppni 3ja manna sveita augljós, hlaut sveitin 6 stig en UBK varð í öðru sæti með 20 stig, sveit HSK varð þriðja með 21 stig og sveit ÍBK með 31 stig í fjórða sæti. Vann KR bikar, sem Þjóðviljinn gaf en ÍR vann hann árið áður.

Kristleifi óskað til hamingju með sigurinn.Í keppni 5 manna sveita hlaut HSK 35,5 stig, UBK 40 og sveit Keflavíkur (ÍBK) 49,5 stig. Hlaut Skarphéðinn að launum bikar sem starfsmenn íþróttavallanna gáfu og var það í annað sinn að HSK hampaði honum. Skarphéðinn vann þennan bikar í fyrsta sinn sem um hann var keppt, eða 1961, en undanfarin þrjú ár var ekki hægt að keppa um hann vegna þátttökuleysis.

Í keppni 10 manna sveita var mjótt á munum og lítið hefði þurft útaf að bera til að Keflvíkingar færu þar með sigur af hólmi. En HSK menn voru reyndari og höfðu sigurinn með 101,5 stigum gegn 108,5 stigum ÍBK og hlutu til eignar bikar er dagblaðið Tíminn hafði gefið til hlaupsins. Var þetta í fyrsta sinn sem keppt var í 10 manna sveit í Víðavangshlaupi ÍR.

Afmælishlaupið var í alla staði glæsilegt og sýndi að það er hægt að halda fjölmennt víðavangshlaup ef unnið væri að því nógu tímanlega að fá menn til þátttöku. Eigi líkaði dagblaðinu Vísi hversu hallaði á höfuðborgina í skiptingu keppenda. „Þátttaka Reykvíkinga í hlaupinu varð reykvískum íþróttum til skammar, aðeins fjórir menn, en 29 utanbæjarmenn. Það virðist nokkurs konar „motto“ hjá reykvískum íþróttamönnum að taka aðeins þátt í því skyni að sigra,“ sagði blaðið.

Aðal hvatamaður að stofnun hlaupsins var Helgi Jónasson frá Brennu. Draumur hans var ætíð sá að þátttakan í hlaupinu yrði almennari. En svo fór að hlaupið hefði raunar lagst niður, ef Helgi hefði ekki með harðfylgi og rómuðum dugnaði hvatt menn til hlaupsins. Víðavangshlaupið var ein af hans mörgu íþróttahugsjónum – hugsjón sem hann fóstraði alla sína tíð. Í dag myndi Helgi gleðjast að sjá 37 menn leggja í hlaupið ef hann væri enn ofan foldar.

Söngvari Hljóma


Bara fjórir úr borginni


10 manna sveit


Mættu 50 árum síðar


Mikill aldursmunur


Vandað til verðlauna


Mikill fjöldi


Minntist Helga frá Brennu


Styrktarsjóður Steindórs


Upphafið á endurreisn


Úrslitin 1965