Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1963

Samflot KR-inganna þótti skrýtið

Í umfjöllun sinni spurði Tíminn í fyrirsögn hvort Víðavangshlaupið hefði liðið undir lok sumardaginn fyrsta,  25. apríl 1963.Víðavangshlaup ÍR vorið 1963 var ólíkt öllum öðrum. Komu þrír hlauparar úr KR hlið við hlið á léttu rúlli í mark, langt á undan öðrum keppendum, og freistuðu þess að deila sigrinum. Það gekk ekki eftir og uppátækið mæltist illa fyrir meðal áhorfenda við endamarkið og blöðin hirtu KR-ingana í skrifum sínum um hlaupið. Létu þeir nær ósagt um hlaupið sjálft en skrifuðu því meir um framkomu fyrstu manna.

Dómarar hlaupsins úrskurðuðu að Kristleifur Guðbjörnsson hefði haft vinninginn með því að spenna út brjóstið er tríóið hálfgekk yfir marklínuna. Hinir tveir þóttu hins vegar svo hnífjafnir að sæti þeirra voru úrskurðuð með hlutkesti. Halldór Jóhannesson varð þannig annar en Agnar Levý þriðji.

„ Það eru ekki áreynslumerki í svip þeirra Halldórs, Kristleifs og Agnars. Sumir gætu haldið að þeir væru að leggja af stað.“
„KR-ingarnir eru annars grunaðir um að hafa ákveðið þetta einstæða samflot, enda haft eftir sigurvegaranum eftir hlaupið: „Ég lagði heldur mikið á mig í lokin“, annar átti sem sé að sigra. Hinn hreini íþróttaandi var fyrir borð borinn, en keppnin fyrirfram ákveðin,“
sagði Vísir.

Og Morgunblaðið hafði líka við þetta að athuga. „Margt manna kom að venju að horfa á hlauparana en hurfu frá heldur vonsviknir því keppni varð engin í lokin, þó þrír fyrstu menn hlypu á sama tíma. KR-sveitin hljóp samsíða í mark án átaka og keppni. Er inn í Hljómskálagarðinn kom, hægðu þeir Kristleifur og Agnar ferðina uns Halldór kom í hópinn og samsíða hlupu þeir í mark, KR-ingarnir þrír án sýnilegra átaka eins og myndin sýnir. Þetta er nokkuð gróft brot á eðli sannrar íþróttakeppni og lítilsvirðing við þá sem ennþá koma til að sjá frjálsíþróttamenn í keppni,“ sagði Morgunblaðið.

Þjóðviljinn hikaði heldur ekki við að segja álit sitt.
„Þegar KR-tríóið kom aftur inn í Hljómskálagarðinn, hélt það enn hópinn og skiptust þeir á um forystuna. Bjuggust flestir við að þetta yrði hörð og spennandi keppni, sem ekki yrði endanlega útkljáð fyrr en á endasprettinum. Þegar þessir ágætu hlaupar komu á beinu brautina breyttist keppnin allt í einu í sýningu. Þeir hlupu hlið við hlið í mark án allrar keppni og var þetta fremur sviplegur endir á ágætu hlaupi þeirra félaga. KR-ingarnir þrír eru sýnilega í góðri æfingu og höfðu algerlega yfirburði yfir keppinautana. Þessir yfirburðir gefa þeim þó engan rétt til að skirrast við að gera upp sakirnar sín á milli á íþróttamóti. Áhorfendur voru nefnilega komnir til þess að horfa á keppni.“

Endalok Víðavangshlaups ÍR?


Knattspyrnumenn í Víðavangshlaupi ÍR?


Skemmtileg „tradisjón“


Skammaðir undir myndum


Úrslitin 1963