Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1959

Haukur hristi keppinautana af sér

Því var spáð, að keppnin myndi standa á milli Borgfirðingsins Hauks Engilbertssonar og svarfdælska ÍR-ingsins Kristjáns Jóhannssonar í 44. Víðavangshlaupi ÍR. Haukur vann árið áður og Kristján hafði fjórum sinnum unnið hlaupið. Áhorfendur að hlaupinu voru margir og veður hlýtt, en rigning.

Keppendur í viðbragðsstöðu á rásmarki Víðavangshlaups ÍR 1959. Sigurvegarinn Haukur Engilsbertsson UMSB er lengst til hægri og Kristján Jóhannsson ÍR, sem varð annar, lengst til vinstri.Þessar væntingar brugðust fljótt eftir að lagt var af stað í hlaupið því Haukur tók snemma forystuna og hristi keppinauta sína hvern af öðrum af sér. Dró æ meira í sundur með þeim sem lengur leið og var því aldrei spenna í keppninni um sigurinn. Kom hann langfyrstur í mark og sigraði með yfirburðum. Virtist lítt þreyttur en hljóp á 8:08,6 mín.

Augljóst þótti að Haukur væri vel þjálfaður og líklegur til mikilla afreka þetta sumar og þau næstu, ef hann héldi áfram æfingum af sama krafti. Munaði röskum 20 sekúndum á honum og næsta manni sem var Kristján, sem kom í mark eftir nákvæmlega 8:30 mínútur.

Þetta var í 10. sinn sem Kristján tók þátt í Víðavangshlaupi ÍR. Hann hefur ávallt staðið sig með mikilli prýði. Fjórum sinnum hafði hann sigrað og fimm sinnum að auki verið í verðlaunassæti.

Hörð keppni var um þriðja sæti milli sunnlendingsins Hafsteins Sveinssonar og Eyfirðingsins Jóns Gíslasonar. Lauk því einvígi með sigri hins fyrrnefnda, en aðeins metri var þó á milli þeirra í markinu. Hlupu þeir á 8:39,8 og 8:40,0 mín. Birgir var lítt þekktur hlaupari sem mikils þótti mega af vænta. Hann varð fimmti, næstur á undan maraþonhlauparanum Jóni Guðlaugssyni en þetta hefur sennilega verið nokkuð stutt vegalengd fyrir hann.

Keppendur í hlaupinu voru 15 og í meirihluta menn utan Reykjavíkur. Borgfirðingar (UMSB) voru 6, 3 frá Skarphéðni (HSK) og 3 frá Ungmennasambandi Eyjafjarðar (UMSE). ÍR sendi eitt Reykjavíkurfélaga keppendur til þessarar keppnim, eða þrjá, en félagið vann bæði 3ja og 5 manna sveitakeppnina í fyrra. Tíðspurult var mönnum á mótsstað um hversvegna enginn af hinum góðu hlaupurum KR væri með og eins hversvegna Ármann ætti engan fulltrúa í hlaupinu. Við því fékkst ekkert svar á förnum vegi. Í verðlaunahófi að hlaupi loknum var utanbæjarmönnunum þakkað sérstaklega fyrir þátttökuna og áhuga þeirra fyrir hlaupinu.

Keppnin í 3ja manna sveitum var hins vegar geysihörð og tvísýn. Lauk henni með sigri Héraðasambandsins Skarphéðins sem hlaut 16 stig, átti þriðja, sjötta og sjöunda mann. Eyfirðingar hlutu 18 stig, ÍR 21, Reykdælir 23 stig ogB-sveit þeirra varð fimmta með 42 stig.

Tíunda hlaup Kristjáns


Íhuguðu flutning í Laugardal


„Allt versnandi“


Úrslitin 1959