Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1958

Nær óþekktur Borgfirðingur sigraði

Er bæjarbúar vöknuðu um morguninn fyrsta sumardag skein sólin dátt og hár á höfði hreyfði vart. Hélst svo allan daginn, hiti um 7°C en virkaði hlýrra þegar hlaupið hófst. Sagt var að veðrið í Reykjavík á degi þessum hafi ekki verið eins gott í yfir 20 ár. En gæðunum var misskipt því er til dæmis Húsvíkingar risu úr rekkju á sumardaginn fyrsta var þar slydduhríð og þoka svo tæplega sá á milli húsa.

Haukur Engilbertsson UMSB vann óvænt Víðavangshlaup ÍR 1958. Annar varð Kristleifur Guðbjörnsson KR.Í þessu blíðskaparveðri fjölmenntu Reykvíkingar og gestir þeirra út úr hýbýlum sínum og viðruðu sig. Því voru margir áhorfendur viðstaddir hlaupið sem var hið 43. í röðinni. Var mannmergðin í miðborginni meiri en elstu menn mundu. Þrátt fyrir veðurblíðuna var þátttaka í hlaupinu með minna móti sem þótti miður. Að því fundu dagblöðin og kváðu hlaupið hafa verið fremur rislágt sakir þess. Aðeins 10 keppendur mættu til leiks, sex frá ÍR, tveir frá KR, einn frá Ungmennafélagi Selfossi og einn frá Ungmennafélagi Reykdæla í Borgarfirði.

Sennilegast þótti að baráttan um fyrsta sætið yrði milli Kristjáns Jóhannessonar ÍR, sigurvegarans árið áður, Kristleifs Guðbjörnssonar KR og Hauks Engilbertssonar úr Borgarfirði. Í ljósi skráninga komu ÍR-ingar einir til greina í sveitakeppni 3ja og 5 manna. Og þó að sveitakeppnin væri úr sögunni sem slík var keppnin um fyrsta sætið í hlaupinu skemmtileg.

Tríó þetta var í sérflokki í hlaupinu. Haukur tók snemma forustuna í keppninni og hélt henni mestalla leið. Þrátt fyrir að þetta væri hans fyrsta þátttaka í Víðavangshlaupi ÍR virtist hann ekki taka það nærri sér þótt hann ætti í höggi við margfalda íslenska methafa í þolhlaupum, þá Kristleif og Kristján. Lengi vel mátti ekki á milli sjá hver myndi bera sigur úr býtum því svo þétt héldu þeir hópinn.

Nokkru eftir mitt hlaupið tók heldur að draga sundur með þeim. Um það leyti bar til tíðinda, að Kristleifur og Kristján héldu að Haukur væri að fara villur vegar. Hlupu þeir tveir út úr brautinni um skeið en áttuðu sig og sáu að það voru þeir sjálfir sem fóru skakkt, ekki Haukur. Sneru þeir við en við mistökin lengdu leið sína um 70 til 80 metra. Þessi krókur hefur ugglaust haft sín áhrif á endasprett þeirra og valdið því að þeir urðu lengra á eftir Hauki en annars hefði orðið. Munaði ekki miklu að Kristleifur næði Hauki aftur en hann var ekkert lamb að leika sér við og tók þvílíkan endasprett að hlaupararnir kunnu drógust aftur nokkuð afturúr. Sigraði Haukur þannig með yfirburðum og þótti það vel af sér vikið þegar tillit var tekið til þess, að þetta var í fyrsta skipti sem hann keppti í Reykjavík og keppinautar hans ekki af verri endanum.

„Að vísu urðu þeim á mistök í hlaupinu, og það næstum óskiljanleg. Haukur hljóp fyrstur eins og áður segir, en Kristleifur og Kristján fylgdu honum fast eftir, þar til komið var í námunda við Háskólann, að Haukur var skyndilega rúmum 50 metrum á undan. Hinir tveir álitu þá, að Haukur færi ranga leið og tóku á sig stóran krók, sem hefir lengt leiðina hjá þeim að minnsta kosti um 50 metra. Þessi mistök urðu orsök þess, að áhorfendur misstu af skemmtilegum endaspretti, sem ella hefði orðið milli Hauks og Kristleifs, sem ógerlegt er að segja hvernig farið hefði og þeirri spurningu verður aldrei svarað. Á tímum þeirra má þó draga þá ályktun, að Haukur hefði eftir sem áður sigrað,“
sagði um þetta atvik í umfjöllun Tímans um hlaupið.

Sigur hins tvítuga Borgfirðings kom nokkuð á óvart og Haukur var vel að honum kominn. Engin þreytumerki sáust á honum í hlaupslok og enginn veit nema hann hefði svarað öllum gagnárásum þeirra Kristleifs og Kristjáns. Rann hann skeiðið létt og glæsilega og það sagði sitt um styrk hans, að hann skildi hlaupa af sér kunna garpa eins og Kristján og Kristleif. Færði hann félagi sínu skemmtilega afmælisgjöf því Ungmennafélag Reykdæla átti 50 ára afmæli þennan dag!

Hlaupið fór fram á sama stað og undanfarið og var ríflega þriggja kílómetra langt. Hófst í Hljómskálagarðinum og eftir ein hring í honum var hlaupið suður undir byggðina við Skerjafjörð og sást til hlauparanna alla leið sem naut vinsælda. Leitt var að ekki kom til keppni milli félaga í sveitakeppninni sem jafnan hafði sett sinn skemmtilega svip á hlaupið.

Var enginn nýliði


Æfði gegnum útvarpið


Aðeins ÍR sendi sveitir


Eitt besta efnið


Úrslitin 1958


Leikskrá