Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1956

Rykkur Svavars dugði skammt

Veður var sæmilega gott, en færi nokkuð þungt í Vatnsmýrinni, þar sem mest var hlaupið í 41. Víðavangshlaupi ÍR, sumardaginn fyrsta 1956. Landsynningur var og sumarhiti, 10°C, á hádegi. Áhorfendur voru allmargir þótt ekki væri nema brot af þeim fjölda sem sá hlaupið á meðan endað var í Austurstræti.

Stefán Árnason fremstur í Víðavangshlaupinu 1956 en á hæla hans koma Svavar Markússon og Kristleifur Guðbjörnsson.Að þessu sinni hófst hlaupið og endaði í Hljómskálagarðinum og var mjög spennandi frá upphafi. Hlaupið var suður Vatnsmýrina, suður undir Tívoli og síðan til baka austan við Melaveg inn í Hljómskálagarð aftur og endað við Hljómskálann.

Sunnarlega með Njarðargötunni tók Svavar aftur forustuna, en Stefán Árnason UMSE, methafinn í 3.000 metra hindrunarhlaupi, hafði forustuna framan af og fylgdust margir keppendur að á eigi svo mikilli ferð. Það létu menn sér misjafnt lynda og var sem Svavari Markússyni KR leiddist þófið. Um miðbik hlaupsins, eða sunnarlega með Njarðargötunni, dró mjög til tíðinda er Svavar tók mikinn rykk og náði góðu forskoti. Hann vann hlaupið árið áður, en hefur síðan lagt meiri stund á styttri vegalengdir og sýndi það sig nú, að hann skorti þol í svona langt hlaup og erfitt. Stefán hleypti honum ekki langt frá sér, náði náði honum aftur, hafði meira þol og sigldi sinn sjó í mýrinni móts við Háskólann. Vann hann örugglega og með nokkrum yfirburðum, hljóp léttilega í mark á 9:45,4 mínútum.

Þegar komið var inn í Hljómskálagarðinn og markið að nálgast virtist Svavar vera mjög þreyttur og ekki hafa kraft til að veita viðnám. Gat hann ekki svarað spretti unglings frá Selfossi, Kristleifs Guðbjörnssonar úr KR. Kristleifur hljóp rösklega í mark og varð annar þótt aðeins 17 ára væri. Þótti þessi nýi hlaupari mjög góðu og átti það eftir að rætast með árunum. Kom hann í mark á 10 mínútum sléttum og Svavar varð þriðji á 10:08,0 mín. Rétt á eftir honum í fjórða sæti varð svo Eyfirðingur á sautjánda ári, Jón Gíslason, á 10:10.0 mín.

Sigur Stefáns Árnasonar kom okkuð á óvart og munu flestir hafa gert ráð fyrir að Svavar myndi sigra. Á síðastliðnu ári sýndi Stefán þó að hann var til stórræða líklegur og vitað var fyrir Víðavangshlaup ÍR, að hann hafði æft mjög vel um veturinn.

Þjóðviljinn hafði spáð því, að sveitakeppnin yrði mjög hörð og ómögulegt að spá um úrslitin. Það reyndist rétt hjá blaðinu því sveitakeppni þriggja manna var afar tvísýn. Hafsteini Sveinssyni tókst að tryggja KR sigurinn á síðustu 100 metrunum, en þá fór hann fram úr tveimur til þremur mönnum. KR hlaut 10 stig, átti 2.. 3. og 5. mann, en Eyfirðingar hlutu 11 stig, áttu 1., 4. og 6. mann, svo keppnin gat ekki verið jafnari. ÍR varð í þriðja sæti með 24 stig. Keppt var um bikar, sem Hallgrímur Benediktsson stórkaupmaður gaf.

Aðeins ÍR hafði nægum mannafla á að skipa í 5. manna sveit, átti 7., 8., 10., 11. og 12. mann og vann því Sanitasbikarinn með 48 stigum. Handhafi beggja bikaranna frá árinu áður var ÍR. Í fimm manna sveitinni voru Kristján Jóhannsson, Ingimar Jónsson, Ólafur Gíslason, Hilmar Guðbjörnsson og Gunnlaugur Hjálmarsson.

Alls voru keppendur 13 og luku allir hlaupinu, enda þótt geta þeirra væri ólík en þriggja mínútna munur var á fyrsta manni og þeim síðasta í mark (9:45,4 ­12:49,0). Voru þeir frá ÍR, KR, Héraðssambandi Suður-Þingeyinga (HSÞ), Ungmennasambandi Eyjafjarðar (UMSE) og Ungmenna- og íþróttasambandi Austurlands (UÍA).

Búningar ónóg auðkenni


Gekk ekki heill til skógar


Sigurður veiktist


Skemmtileg leið


Úrslitin 1956