Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1950

Hrunamenn unnu óvæntan sigur

Hinn ágæti millilengdahlaupari ÍR, Pétur Einarsson,  á ferð í Víðavangshlaupi ÍR 1950. Var það í eina skiptið sem hann keppti í hlaupinu.Þar voru engir hrunkar á ferð, heldur léttstigir hlauparar úr sunnlenskri sveit; Hrunamennirnir sem fóru með sigur af hólmi í 3ja manna sveitakeppni 35. Víðavangshlaups ÍR. Ármenningurinn Stefán Gunnarsson vann hlaupið þriðja árið í röð og hlaut því til eignar ÍR-bikarinn sem veittur hefur verið fyrsta manni í mark.

Fjölmiðlar höfðu spáð því að keppnin að þessu sinni yrði jöfn og óvægin. Meðal annarra myndu mæta til keppni Ármenningarnir Stefán Gunnarsson og Haraldur Þórðarson, sem báðir hefðu unnið sigur í hlaupinu, Njáll Þóroddsson er koma myndi við sjötta mann frá Ungmennafélagi Hrunamanna, Kristján Jóhannsson frá UMSE er vakið hefði athygli á hlaupabrautinni 1949 og ÍR-ingarnir Guðmundur Bjarnason og Pétur Einarsson.

Og það varð úr, að keppnin um sigur í hlaupinu var lengi jöfn og tvísýn, en á endasprettinum skar Stefán sig úr og vann öruggan sigur. Hljóp hann vegarlengdina á 9:11,6 mín., en annar varð Kristján Eyfirðingur á 9:17,4 mín., og þriðji Njáll á 9:17,6 mín. Stutt á eftir honum kom svo liðsfélagi Njáls, Eiríkur Þorgeirsson, á 9:20,0 mín.

Ótvírætt vakti það mikla athygli að Ungmennafélag Hrunamanna skyldi bera sigur úr býtum í þriggja manna sveitakeppni. Hlaut hún 14 stig, en Ármann 16 og ÍR 29 stig. Og Hrunamenn voru ekki fjarri því að vinna Coca-Cola bikarinn sem veittur var því félagi sem átti sinn fimmta mann fyrst í mark. Sá féll þó Ármanni í skaut þar sem fimmti maður reykvíska félagsins varð á undan fimmta Sunnlendingnum í mark. Varð Ármenningurinn í 12. sæti en Hrunamaðurinn einu sæti aftar, í því þrettánda. Minni gat munurinn ekki verið en með sigrinum vann Ármann Coca-Cola bikarinn þriðja árið í röð og þar með til eignar.

Veður var hið hagstæðasta til hlaupa, léttur andvari og tiltölulega hlýtt í veðri.Ein helsta skýringin á styrk og velgengni Sunnlendinganna var sú, að Njáll Þóroddsson, gamall og góður víðavangshlaupari, var genginn í þeirra raðir, en hann hafði keppt árin á undan fyrir Ármann.

Þátttakan í hlaupinu var góð og sérstaklega athyglisvert að tæplega helmingur keppenda var utan af landi. Voru 18 skráðir og komu þeir allir að marki, eftir um 3,2 km kapphlaup.

Að þessu sinni hófst hlaupið á Melavellinum en þaðan var hlaupið suður Skjólin og austur með Skerjafirði inn i Fossvog, þaðan yfir Norðurmýrina ofan í Hljómskálagarð þar sem hlaupinu lauk. Veður var hið hagstæðasta meðan hlupið fór fram, aðeins lítill andvari og hlýtt í veðri.

 

Setur út á sveitakeppnina


Þátttakandi í 20. sinn


Leiðin gengin


Úrslitin 1950