Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1932

Gísli ekki vitund móður

Vestmannaeyingar brutu blað í sögu 17. Víðavangshlaups ÍR 1932. Til keppni sendu þeir sína sex bestu hlaupara með strandferðaskipinu Lyru til Reykjavíkur, en þangað komu þeir tveimur dögum fyrir hlaup. Var þetta í fyrsta sinn að Eyjamenn keppa í hlaupinu, og sama var reyndar að segja um hina sjö keppendur ungmennafélagsins Vísis af Hvalfjarðarströnd.

Eyjamenn áttu oft góðum frjálsíþróttamönnum að skipa. Hér eru sjö afreksmenn þeirra og er sigurvegarinn í Víðavangshlaupinu 1932, Gísli Finnsson, þriðji frá hægri. Karl Sigurhansson, l.t.v., og Þórarinn Guðmundsson, 2. f.h. hlupu einnig í þetta sinn. Um árangur Vestmannaeyinga má segja, að þeir hafi komið, séð og sigrað. Þeirra fremsti maður, Gísli Finnsson, vann glæsilegt afrek, sem félagsblaðið Þjálfi sagði í júlí 1932 að yrði lengi í minnum haft. Tók Gísli strax að sér forystuna og leiddi hlaupið alla leið að marki. Sigurinn var auðveldur og glæsilegur, hann varð 11 sekúndum á undan næsta manni og 12 á undan þeim þriðja.

Annar í hlaupinu varð Jóhann Ólafsson úr Vísi og þriðji félagi hans Gísli Brynjólfsson frá Hrafnabjörgum í Borgarfirði. Aðkomumenn unnu því fyrstu, önnur og þriðju verðlaun, en KR hélt heiðri íþróttafélaga Reykjavíkur á lofti með sigri í sveitakeppninni sjöunda árið í röð. Ljóst var þó af úrslitunum og þróuninni, að Reykvíkingar mættu vara sig á því að íþróttafélög út um land tækju ekki af þeim sveitabikarinn þegar minnst varði og létu hann ekki úr greipum sér ganga, eins og Morgunblaðið sagði í umfjöllun sinni um hlaupið.

Hlaupið fór fram að viðstöddu miklu fjölmenni. Veður var sæmilega gott, þó var nokkur gola og heldur kalt. Ótölulegur grúi manna safnaðist saman hjá Austurvelli, þegar hlanpið byrjaði og fylti svo gangstéttir Austurstrætis báðum megin alla leið vestur að afgreiðslu Morgunblaðsins, en fjöldi manns stóð báðum megin Bankastrætis og Laugavegar, langt upp eftir.

Varla höfðu menn komið sér fyrir til að horfa á hlaupið er fagnaðaróp tóku að berast ofan úr bænum. Var það merki þess að fararbroddur hlauparanna væri í nánd. Og 13 mínútum og 36,4 sek. frá því lagt var á stað hljóp fyrsti maður í mark. Var Gísli Finnsson langt á undan öllum öðrum og hljóp framúrskarandi fallega. Ekki var hann vitund móður er að marki kom. Tími Gísla var talinn góður þótt ekki væri hægt að bera hann saman við hlauptíma á fyrri árum, því alltaf var verið að breyta hlaupaleiðinni dálítið og hún því misjafnlega löng. Þá réði og mikið veður og færð.

En þrátt fyrir sigur Gísla Finnssonar voru Vestmannaeyingar eigi alls kostar ánægðir því þeirra helsta von og frægasti hlaupari, Karl Sigurhansson, varð aðeins 11 í hlaupinu. „Eigum vér bágt með að sætta oss við svo lélega frammistöðu af Karli, enda erum vér þess fullvissir, að hann aflar sér rækilegrar uppreisnar á komandi sumri,“ sagði í umfjöllun Þjálfa.

Og ekki stóð á hvatningu blaðsins.

„Vestmeyingar! Enn á ný hafa íþróttamenn ykkar borið hróður ykkar út um landið. Enn á ný hafa þeir unnið oss frægð með hinni ágætu framgöngu sinni – og þeir eiga eftir að gera það enn áþreifanlegar. Vestmeyingar vaknið! Vaknið til meðvitundar um, að hér blunda bundnir kraftar, sem eiga eftir að gera eyjuna okkar fræga. Sýnið þeim alúð og nærgætni og styðjið hag þeirra eftir mætti.“

Gísli Finnsson var góður hlaupari og sigraði í Víðavangshlaupi ÍR 1932.Fleiri höfðu tilkynnt þátttöku í hlaupinu en nokkru sinni áður, eða 42 keppendur frá fimm félögum. Sjö þeirra mættu ekki svo þeir sem byrjuðu hlaupið voru 35. Þrír þeirra gáfust upp á leiðinni svo 32 hlauparar komu í mark, en flestir höfðu keppendur verið 38 áður. Auk Eyjamanna (KV) og Hvalfjarðarstrendinga (Vísi) voru 12 keppendur frá Knattspyrnufélagi Reykjavíkur (KR), sjö frá Glímufélaginu Ármanni (Á) og 10 frá Íþróttafélagi Kjósarsýslu.

Í sveitakeppninni tóku þátt sjö sveitir frá 5 félögum og fór sveit KR með sigur af hólmi. Önnur varð sveit Vísis og þriðja sveit KV. KR, með fjórða, fimmta, sjötta, áttunda og níunda mann, hlaut 32 stig og vann forkunnarfagran Silla og Valdabikarinn fjórða árið í röð. Fremstur KR-inga varð Ólafur Guðmundsson, þá Oddgeir Sveinsson, Magnús Guðbjörnsson, Erlendur Gíslason og loks Aðalgeir Halldórsson.

Vísir hafði helmingi hærri stigatölu, átti 2., 3., 13., 18. og 28. mann og hlaut 64 stig. Sveit Knattspyrnufélags Vestmanneyja varð þriðja með 80 stig, átti 1., 7., 11., 29. og 32. mann og sveit Íþróttafélags Kjósarsýslu átti 1., 16., 17., 19. og 20. mann og hlaut 82 stig. Ármann kom ekki til greina vegna þess, að ekki komu nema fjórir keppendur hans að marki, en 5 þurftu þeir að vera til að fylla sveit. Ármenningar áttu 1., 22., 24., og 30. mann.

Hlaupið hófst hjá Alþingishúsinu kl. 2. Var hlaupin sama leið og vant hefure verið, suður Laufásveg að Hlíð, þaðan sjónhending að Laugaveg 101, niður Laugaveg, Bankastræti og Austurstræti að afgreiðslu Morgunblaðsins.

Harðgerir og glæsilegir


Standi á gangstéttum


Of mikil aurbleyta


Seldu keppendaskrá


Lýst eftir ljósmyndum


Fengu afmælisritið að gjöf


Þakka viðtökurnar


Úrslitin 1932


Leikskrá