Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1928

Tveir Danir tóku þátt

Geir Gígja vann sinn fjórða og síðasta sigur í Víðavangshlaupi ÍR 1928.. Sá sögulegi atburður átti sér stað í 14. Víðavangshlaupi ÍR, árið 1928, að tveir Danir tóku þátt í hlaupinu, Martin Frederiksen og William Aagesen. Kepptu þeir undir merkjum Glímufélagsins Ármanns.

Eigi ógnuðu þeir öðrum hlaupurum því annar þeirra varð langseinastur en hinn kom ekki að marki. Sá bar númerið 13 en tæpast hefur það verið orsök þess að hann gafst upp á leiðinni.

Fyrstur á milli marka í hlaupinu í fjórða sinn varð Geir Kristjánsson Gígja kennari og náttúrufræðingur á 13:03,0 mínútum. Var það aðeins þremur sekúndum lakari tími en brautarmet Guðjóns Júlíussonar. Í næstu tveimur sætum urðu félagar Geirs úr KR, Jón Þórðarson um 80 metrum eftir á 13:17,4 og Þorsteinn Jósefsson þriðji á 13:26,0 mín. Allt þekktir hlaupagarpar sem áður höfðu hlotið verðlaun í víðavangshlaupinu.

Geir Gígja kemur í mark 1928. KR-ingar unnu sveitakeppnina um „Hreinsbikarinn“ þriðja árið í röð og hlutu gripinn fagra því til eignar. Fengu þeir 16 stig en þar sem fimmti maður Ármanns lauk ekki hlaupinu hafði Ármann ekki fulla sveit og hlaut því engin stig.

Þátttakendur í hlaupinu voru með færra móti. Af 14 keppendum sem gefið höfðu sig fram skárust tveir úr leik og einn gafst upp á leiðinni. Annar þeirra sem ekki mætti var Lárus Salómonsson sem gerði garðinn frægan sem glímumaður.

Mikill mannfjöldi horfði á hlaupið, og var þröng mikil í Austurstræti, þegar hlaupararnir komu að markinu. Færð og veður var gott og var til þess tekið, að hlaupararnir virtust flestir í góðu ásigkomulagi eftir hlaupið, ólíkt betra en eftir Skólahlaupið nokkrum dögum áður, enda var veður þá miklu óhagstæðara.

Ber sig fallega


Danskir vélstjórar


Fagna sumri á fagran hátt


Besta siguróskin


Úrslitin 1928