Heillaóskaskrá

ÍTR

Essei

Ottó B Arnar

Þrír frakkar hjá Úlfari

 

Brúskur hárstofa ehf

Danica sjávarafurðir hf

Ís og Ævintýri ehf

Ísfrost

Íþróttasamband Fatlaðra 

Landsamband Lögrelgumanna

Löndun ehf

Nonni Litli ehf

Orka ehf

Sálarransóknarfélag Reykjavíkur

SB Pípulagnir ehf

Skipakostur slf

Slólpi Gámar ehf

Stjörnuegg hf

Tannlæknastofa Theodórs ehf

Teiknistofan Tröð

Tösku og Hanskabúðin

Útfarastofa Íslands

Veislulist ehf

Vídd ehf

Wurt á Íslandi ehf

1923

Þriðji sigur Guðjóns í röð

Víðavangshlaupið 1923 fór fram í besta veðri og að viðstöddu miklu fjölmenni í bænum. Vegna þrengsla sem vildu jafnan verða við markið hjá Ísafoldarprentsmiðjunni í Austurstræti bentu blöðin fólki á að vera á Lækjartorgi og meðfram Bankastræti ef það vildi sjá vel til hlauparanna.

Erfitt gat verið fyrir keppendur að komast að marki þar sem áhorfendur áttu til að þrengja um of að þeim.Eins og menn mundu unnu „sveitamennirnir“ í fyrra bæði flokkaverðlaunin og fyrstu einstaklingsverðlaunin, og sendu þeir nú 12 bestu hlaupagarpa sína á mótið. Er slíkur áhugi mjög lofsverður og öðrum félögum til eftirbreytni. Auk aðkomufélaganna sendir Knattspyrnufélag Reykjavíkur 8 menn og Glímufél. Ármann 5. Varð því kappið um sigurinn og sæmdina engu minna en áður.

Í heild voru þátttakendur 21 og luku allir hlaupinu nema einn. Sameiginlegt lið Aftureldingar og Drengs mætti nú til leiks undir nafni Íþróttafélags Kjósarsýslu. Vann það frækinn sigur, og voru tveir fljótustu mennirnir úr því. Fékk ÍK 18 stig, en Knattspyrnufélag Reykjavíkur (KR) 41.

Eins og undanfarin tvö ár varð fyrstur Guðjón Júlíusson frá Reynisvatni. Hann hafði verulega yfirburði í hlaupinu. Hljóp vegalangdina á 12 mín. 59,4 sek. og er það skemri tími en í fyrra. Næstur honum varð Magnús Eiríksson á 13 mín. 11,4 sek., en þriðji Geir Gígja úr KR á 13 mín. 30 sek. Hlutu þeir verðlaunapeninga úr silfri.

Skemmtilegast var að horfa á hlauparana er þeir fóru frá bænum Hlíð, norður yfir túnin og á Laugaveg, því að á þeirri leið voru hinar mörgu hindranir, garðar, girðingar og skurðir. Var best fyrir áhorfendur að vera á Hringbrautarveginum, og halda í norður á Laugaveginn. Með því að fylgjast þarna með misstu viðkomandi af lokaspretti hlaupsins. Það fannst Vísi ekki tiltökumál því fjörlegra væri að fylgjast með í bæjarjaðrinum. „Þó oft sé mjög spennandi og skemmtilegt að sjá endasprettinn hjá hlaupurunum, þá er hitt þó miklu skemtilegra að sjá þá stökkva yfir torfærurnar á leiðinni,“ sagði blaðið.

Eins og verið hafði árin á undan var keppt í fimm manna sveitum. Í fyrra vann Íþróttafélag Kjósarsýslu verðlaunabikar hlaupsins til fullrar eignar. Var því í þetta skipti keppt um nýjan og mjög fagran bikar, sem Pétur Hjaltested úrsmiður og skrautgripasali hafði nýgefið og við hann var kenndur. Bikarinn var hafður til sýnis nokkra daga fyrir hlaupið í glugga í verslun Haralds Johannessen. Keppa skyldi um bikar þennan eftir þeirri reglu að skyldi ekki vinnast til fullrar eignar, nema sama félagið ynni hann þrjú ár í röð.

Sameiginlegt lið Aftureldingar og Drengs mætti enn til leiks, nú undir nafni Íþróttafélags Kjósarsýslu sem sigraði glæsilega fjórða árið í röð og fékk nýja bikarinn í sína varðveislu. Fékk sveit ÍK 18 stig en KR 41 stig.

Hlaupið hófst frá Alþingishúsinu og var farin sama leið og áður, austur Kirkjustræti, um Skólabrú, Lækjargötu, upp Bókhlöðustíg, suður Laufásveg inn að bænum Hlíð. Þaðan haldið norður túnin, yfir garða, girðingar og skurði og á Laugaveginn á móts við Gasstöðina. Þaðan var farið niður Laugaveg, þá Bankastræti og endað í Austurstræti.

Forsvarsmönnum ÍR þótti miður að geta ekki teflt fram flokki í Víðavangshlaupinu að þessu sinni. „En ekki gat [félagið] tekið þátt í því af því að ómögulegt var að fá nema einn félagsmann til að hlaupa. Það var Guðmundur Magnússon. Er leitt til þess að vita að í þessum 400 manna hóp, sem félagið telst, skuli ekki einu sinni vera hægt að finna 6 menn er hafi nægan áhuga á þessari íþróttagrein, er félagið fyrst allra íþróttafélaga vakti athygli á,” segir um hlaupið í gerðabók.

Færðin misjöfn


Gátu laugast


Hlaupið kvikmyndað


Vesælt félag


Stærsta hlaupamótið


Meiri veigur í sveitamönnum


Úrslitin 1923