Breiðholtsmótið í frjálsum 2011

Breiðholtsmótið í frjálsum 2012 verður haldið 1., 4., 8. og 15. október.

4. bekkur keppir mánudaginn 1. október í íþróttahúsinu Austurbergi og hefst keppni kl. 9:30

5. bekkur keppir miðvikudaginn 3. október í íþróttahúsinu Austurbergi og hefst keppni kl. 9:30

6. bekkur keppir mánudaginn 8. október í Laugardalshöll. Keppni hefst kl. 9:00

7. bekkur keppir mánudaginn 15. október í Laugardalshöll. Keppni hefst kl. 9:00

Um Breiðholtsmótið í frjálsum

Breiðholtsmótið í frjálsum var fyrst haldið í október 2008. Mótið er samstarfsverkefni Frjálsíþróttadeildar ÍR,  Íþróttafræðisviðs Háskólans í Reykjavík og grunnskólanna í Breiðholti. Markmiðið með móti eins og þessu er tvíþætt:

• Að gefa börnum í gunnskólunum í Breiðholti kost á því að kynnast frjálsum íþróttum á jákvæðan hátt og gefa þeim tækifæri til að taka þátt í skemmtilegu móti annað hvort sem keppendur, aðstoðarfólk eða í námstengdri vinnu á mótinu.
• Fjölga iðkendum í frjálsum íþróttum úr hverfinu okkar, Breiðholtinu.

 Það er einróma álit þeirra sem komið hafa með nemendahópa á mótið að það hafi tekist afar vel og gleðin og keppnisskapið verið allsráðandi.  

Breiðholtsmótið er fyrir nemendur í 4. - 7. bekk í grunn­skólunum í Breiðholti það er; Breiðholtsskóla, Fellaskóla, Hólabrekkuskóla, Seljaskóla og Ölduselsskóla. Mótið er einstaklingskeppni, keppni á milli skóla og vettvangur þeirra sem ekki geta eða vilja keppa til að vinna námstengd verkefni á mótinu. Í 4. og 5. bekk er fjölþrautakeppni 8 til 12 manna liða en í 6. og 7. bekk eru um hefðbundið frjálsíþróttamót að ræða

Frjálsíþróttadeild ÍR framkvæmir mótið í samstarfi við Háskólann í Reykjavík og grunnskólana í hverfinu.

Mótið er haldið í Laugardalshöllinni og í íþróttahúsi í Breiðholtinu og stendur í fjóra daga. Hver árgangur mætir einn dag ásamt kennurum sínum.

Viðburðir í frjálsum