Norðurlanda & Baltic meistaramót 20-22 ára í Noregi, Snorri með bætingu

Norðurlanda & Baltic meistaramót 20-22 ára fer fram í Jesshem í Noregi um helgina.

Ísland sendir þangað 6 keppendur og þar af eru fjórir ÍR-ingar, þeir eru  Guðmundur Sverrisson sem keppir í spjótkasti, Snorri Sigurðsson í 800m hlaupi, Ívar Kristinn Jasonarson sem hleypur 100m, 200m og 400m og Einar Daði Lárusson sem keppir í stangarstökki og 100m.

Snorri Sigurðsson hljóp 800m á nýju persónulegu meti 1:52,99 mín og varð hann 7. í  mark. Einar Daði hljóp á 11.11 sek í 100m og hafnaði í 11. sæti og Ívar á 11.15 sek og 13. sæti.Ívar Kristinn hljóp einnig 400m á 49,24 sek og varð 8. hann á best 49,16 sek þannig að hann var skammt frá sínu besta.

Sveinbjörg Zophoniasdóttir FH var rétt í þessu að landa gullverðlaunum í langstökki með heila 6.06 m í löglegum vindi. Óskum Sveinbjörgu innilega til hamingju !

Snorri hefur nýlega hlaupið ársbesta tíma Íslendings en það verður við ramman reip að draga um helgina en Snorri fær góða keppni og mun efalaust bæta árstímann á ný. Sama má segja um Ívar og Einar í 100m en ef aðstæður eru góðar þá stefna þeir báðir á góða bætingu. Ívar er með lakasta tímann í 200m og 400m en fær góða keppni og það er fyrir mestu. Einar fær góða keppni í stönginn og sama má segja um Guðmund í spjótkastinu en hann, eins og Snorri hefur náð góðum árangri að undanförnu. Óskum íslensku keppendunum góðs gengis en þjálfarar í ferðinni eru Alberto Borges og Einar Vilhjálmsson ÍR-þjálfarar