Einar Daði á EM - 4097 stig að loknum fyrri degi og 9.sæti

Fyrra degi er nú lokið í tugþrautarkeppni Evrópumótsins í Helsingi. Síðasta grein dagsins var 400 m hlaup þar sem Einar Daði gerði sér lítið fyrir og bætti sinn besta árangur þegar hann hljóp á 49,07 sekúndum. Árangur sem gefur 858 stig.

Einar Daði fór yfir 2m í hástökkinu sem gefur honum 803 stig. Þessi árangur er á milli þess sem hann stökk á Ítalíu þar sem hann fór yfir 1,98m og 2,04m sem hann stökk yfir í Tékklandi.

Í kúluvarpinu kastaði Einar 13.65m sem gefur 707 stig og er þetta er nokkuð frá hans besta í Kaldnó þegar hann kastaði 13.99 m. En lengra en á Ítalíu. Einar var 14. í kúluvarpinu.

Í langstökkinu þurfti Einar Daði greinilega að eins að ná sér niður eftir frábæra byrjun í 100 m hlaupinu. Fyrsta stökkið var 6,96m, annað stökkið reyndist lengsts og var 7,33m en í þriðja stökkinu hitti hann illa á plankann. Einar Daði varð annar í sinum stökkhópi á eftir Roman Sebrie sem stökk 7,43m. Langstökkið gefur Einari Daða 893stig.

Einar Daði hljóp 100m á tímanum 11.11 sek. Stórbæting frá hinum tveimur þrautunum þar sem hann hljóp á 11.23 s og 11.24 sek. 11.11 sek gefur honum 836 stig. Í hlaupinu bættu 6 sinn besta árangur í 100m og 7 til viðbótar bættu sinn ársbesta árangur.

Að loknum fyrri keppnisdegi er Einar Daði með 4097 stig og í 9. sæti. Oleksiy Kasyanov leiðir keppnina með 4352 stig.

Keppni hefst í fyrramálið kl. 6 að íslenskum tíma. Við óskum Einari Daða allt hins besta á morgun.