Einar Daði mætir heimsmethafanum í tugþraut í Kladno í Tékklandi um helgina

Einar Daði Lárusson tugþrautarmaður úr ÍR keppir um helgina á stigamóti IAAF sem fram fer í Kladno í Tékklandi.  Fyrir mánuði síðan náði Einar Daði þeim frábæra arángri að ná þriðja sæti á öðru slíku stigamóti sem fram fór á Ítalíu.  Mótið í Tékklandi er þó mun sterkara með 26 keppendur og á Einar 19. besta árangur þeirra 7590 stig frá þrautinni á Ítalíu.  Keppnin fer fram á heimavelli heimsmethafans sjálfs Romans Sebrle, en heimsmet hans er 9026 stig.  Sigurvegarinn frá mótinu á Ítalíu Dimitry Karpov sem á best 8725 stig verður einnig meðal keppenda ásamt sex öðrum tugþrautarmönnum sem eiga yfir 8000 stig.  Það verður því augljóslega við ramman reip að draga fyrir Einar Daða sem náði 13. sæti í fyrra á þessu sama móti en þá keppti hann í sinni fyrstu tugþraut í karlaflokki.  Markmið Einars er að bæta sinn besta árangur í þrautinni og ná tíunda sæti í keppninni.

Árangur Einars Daða frá mótinu á Ítalíu 5.-6. Maí þegar hann setti Íslandsmet unglinga var sem hér segir:

100m hlaup       11.24    808 stig
Langstökk         7,16      852 stig

Kúluvarp            13.50    698 stig

Hástökk            1,98m   785 stig

400m                49,55    835 stig   3978 eftir fyrr dag

110m grind        14,83    870 stig

Kringlukast        38,09    626 stig

Stangarstökk     4,65      804 stig

Spjótkast          51,29    608 stig

1500m              4:36,34 704 stig   7590 stig  Íslenskt unglingamet 22 ára og yngri

Allar upplýsingar um mótið má finna á http://www.desetiboj-kladno.cz/eng/

Með Einari Daða í för á mótinu er Þráinn Hafsteinsson yfirþjálfari hans og fyrrverandi Íslandsmethafi í tuþraut, Kristján Gissurarson stangarstökksþjálfari Einars Daða og Stefán Már Ágústsson nuddari og aðstoðarmaður