Norðurlandameistaramót 19 ára og yngri, Arna Stefanía Guðmundsdóttir með bætingu í 200m

Arna Stefanía Guðmundsdóttir hljóp 200m á 25.24 sek og bætti sig um 7/100 sek í löglegu hlaupi nú rétt í þessu en hún hafnaði í 5. sæti.
Sama var hjá Ívari Jasonarsyni sem kom inn í þrístökkið á síðustu stundu en hann varð einnig 5. og bætti sig um 25 cm þegar hann stökk 13.14 m í löglegum vindi. Flott bæting það hjá Ívari sem hefur verið á góðri siglingu í sumar.
Aníta Hinriksdóttir hljóp 1500m í dag og hljóp á 4:46,35 mín sem er aðeins 2 sek frá hennar besta sem verður að teljast gott, hún hafnaði í 7. sæti. Snorri Stefánsson hljóp 800m á 2:02,22 mín og varð í 7. sæti eins og Aníta, hann var einnig við sitt besta en hann á best 2:02,15 mín sem hann hljóp fyrir um 1 viku síðan á sterku móti í Bretlandi. Snorri er greinilega að stimpla sig inn í 800m.

Í stangarstökkinu gekk Stefáni Árna Hafsteinssyni ekki sem skildi en hann felldi byrjunarhæð 4,18 m. Hjalti Geir Garðarsson lenti í svipuðu og Stefán Árni en Hjalti gerði öll sín köst í kringlukastinu ógild.

Salbjörg Sævarsdóttir stökk 1,53 m í hástökki og hafnaði í 6. sæti. Örn Dúi Svanhildarson keppti í dag í 110 m grindahlaupi og hafnaði í 5. sæti á tímanum 16.17 sek sem er fín bæting um 20/100 sek. Flottur árangur.

Kolbeinn Gunnarsson varð 6. í 200m hljóp á 23.46 sek.

Aðeins á eftir að keppa í kúluvarpi kvenna, langstökki kvenna, spjótkasti karla, hindurnarhlaupum og 4 x 400m boðhlaupum.