Norðurlandameistaramót 19 ára og yngri, fleiri úrslit

Aníta Hinriksdóttir varð 5. í 1500m á 10:35,52 mín og er þetta fínn árangur hjá svo ungri stúlku sem keppir hér á á sínu fyrsta stórmóti. Hekla Rún Ámundadóttir hefur lokið keppni í spjótkasti þar sem hún varð 6. með 37.04 m sem er 2 m frá hennar besta frá því við topp aðstæður í Gautaborg. 
Adam Þór Þorgeirsson hljóp 400m fyrir Ísland og varð 7. á 53,23 sek sem er um sekúndu frá hans besta árangri síðan í sumar.
Juan Ramón Borges varð 7. í langstökki með 6,66 m sem er um 8 cm frá hans besta en þar sem vindur var of mikill í þessu stökki er það ekki löglegt. Hann stökk jafnlangt og sá í 5. sætinu en mjög skammt var milli 4. og 6. sætis.

Einar Ásgeir Ásgeirsson í 1500m hlaupi þegar hann hljóp á tímanum 4:41,21 mín sem er bæting um 2 sekúndur. 

Börkur Sveinsson varð 6. í kúluvarpi með 14,14 m sem er bæting hjá honum um rúma 60 cm, flottur árangur það. Agnes Eva Þórarinsdóttir kastaði kringlunni á sínu fyrsta stór móti og varð 7. kastaði 28,59 m.
Tómas Zoega varð 6. í 5000m  hlaupi þegar hann hljóp á 16:23,87 mín og var hann aðeins 3 sek frá sínu besta sem er mjög gott miðað við erfiðar aðstæður til hringhlaupa.

Í 4 x 100m boðhlaupi kvenna varð sveit Íslands í 4. sæti næst á undan Dönum á tímanum 48,73 sek