Um 150 manns á sigurhátíð Frjálsíþróttadeilar ÍR

Það var glatt á hjalla í ÍR heimilinu í gærkvöldi þar sem Frjálsíþróttadeild hélt uppskeruhátið eftir glæsilegast afrakstur okkar fólks á keppnisvellinum sem um getur. Allir stóru titlarnir unnust á árinu sem er einsdæmi í frjásíþróttasögunni.  Um 150 manns sóttu hátíðina, iðkendur, foreldrar og samstarfsfólk frá Frjálsíþróttasambandinu, Íþróttabandalagi Reykajvíkur og Íþróttafélagi Reykjavíkur.

Fjölmargir sendu okkur góðar kveðjur af þessu tilefni meðal annars Katrín Jakobsdóttir, menntamálaráðherra, Ólafur E. Rafnsson, forseti ÍSÍ, Björn Ingi Hrafnsson, formaður ÍR, Jónas Egilsson, framkvæmdastjóri FRÍ, Ágúst Ásgeirsson,  höfundur 100 ára afmælisrits ÍR, Stefán Halldórsson, formaður FRÍ færði okkur sjálfur hamingjuóskir Frjálsíþróttasambandsins og fjölbreyttan blómvönd úr blómagörðum íslenskra blómabænda og Jón þ. Ólafsson kom einnig færandi hendi með fallegan blómvönd ásamt hamingjuóskum til deildarinnar.

Meðal þess sem gaman var að rifja upp voru upptökur af  bikarkeppnin á Sauðárkróki  og  Meistaramóti Íslands í sumar sem Stefán Þór sendi okkur. Bestu þakkir Stefán Þór.

Fjölmargir lögðust á eitt til að gera þessa hátíð sem glæsilegast. Þeirra á meðal voru Vifilfell, Matborðið, Gæðabakstur, Grænn markaður og Bláa lónið. Starfsfólk ÍR heimilisins og hún Helga gjaldkeri sem bakaði marensterturnar. Öllum þessum fyrirtækjum og fólki færum við bestu þakkir fyrir stuðninginn og hjálpina. Myndir af hátíðinni munu koma inn í myndasafnið eftir helgina.

Til hamingju allir ÍR-ingar. Áfram ÍR