HM innahúss 12. - 14. mars í Doha.

HM innanhúss fer fram í Doha í Quatar um helgina. Á blaðamannafundi fyrir mótið mættu þau Jessica Ennis, Terence Trammell, Blanka Vlasic, Yelena Isinbayeva og James Kwalia. Því miður eru engir Íslendingar meðal keppenda að þessu sinni en vonandi er stutt í að ÍR-ingar eigi keppendur á þessu móti. Það á að vera hægt að fylgjast með keppni á netinu á þessari síðu.
http://www.telegraph.co.uk/sport/othersports/athletics/7316597/Watch-live-athletics-World-Indoor-Athletics-Championships.html

Hulda með lágmark á HM unglinga þegar hún stökk 3,95 m.

Hulda Þorsteinsdóttir stökk á 3,95 m á innanfélagsmóti ÍR í Laugardalshöll  í dag, 11. mars. Hulda hefur bætt sig vel í vetur en vantað herslumuninn þar til í dag á að ná 3,95 m sem er lágmark á HM unglinga sem haldið verður í Kanada í júlí sumar. Hulda hefur æft undir leiðsögn methafans Þóreyjar Eddu Elísdóttur og er það samstarf farið að skila miklum árangri. Næsta takamark Huldu er að rjúfa 4 m múrinn en þess má geta að hún átti góðar tilraunir við 4,05 m á þessu móti. Hulda verður 19 ára á árinu.

Gunnar Páll sótti þjálfararáðstefnu BMC í Coventry.

British Milers Club (BMC) hélt þjálfararáðstefnu, National Endurance Coaches Conference, í Coventry um síðustu helgi. Þar voru saman komnir margir af fremstu þjálfurum Breta í millivegalengda- og langhlaupum.  Á myndinni er George Gandy að halda hátíðarræðu að kvöldi fyrri dags ráðstefnunnar.

Afrekaskrá FRÍ 2009 innanhúss - ÍR konur í top 8

Afrekaskrá FRÍ 2009 innanhúss - ÍR karlar í top 8

Fjöldi ÍR-inga er á top listum FRÍ innanhúss fyrir 2009

Afrekaskrá FRÍ 2009 utanhúss - ÍR konur í top 8

Fjölmargar ÍR konur koma við sögu á afrekaskrá FRÍ utanhúss 2009

Afrekaskrá FRÍ 2009 utanhúss - ÍR karlar í top 8

Skráninganefnd Frjálsíþróttasamabands Íslands heldur úti afrekaskrá FRÍ fyrir hvert ár bæði innan og utanhúss. Hér á eftir fer listi yfir þá ÍR-inga sem voru í hópi með þeim 8 bestu á landinu í hverri grein fyrir sig.

Stefán Hallgrímsson í 3. sæti í fimmtarþraut á HM innanhúss.

Stefán Hallgrímsson varð í 3. Sæti í flokki 60-65 ára á Heimsmeistaramóti öldunga innanhúss í Kamloops BC.  í Kanada.

Reykjavíkumeistaramót 15 ára og eldri:

Á Reykjavíkurmeistaramóti 15 ára og eldri lönduðu liðsmenn ÍR 22 Reykjavíkurmeistaratitlum auk fjölda silfur- og bronsverðlauna .

Fjölmennum aðalfundi frjálsíþróttadeildarinnar lokið

Aðalfundur Frjálsíþróttadeildar ÍR fyrir árið 2009 var haldinn í Laugardalshöllinni í kvöld. Fjölmenni var en yfir 50 manns sátu fundinn.