Dansdeild ÍR býður ykkur velkomin í hópinn.

Barnadansar eru kenndir alla laugardaga frá kl. 10 fyrir börn frá 3ja ára aldri og eftir því sem þau eldast þá bætast við frumspor í Valsi, Cha cha og fleiri dönsum.  Skemmtilegt jólaball með foreldrasýningu og sveinka er haldið í lok haustannar og vorönn ljúkum við með grímuballi og foreldrasýningu.

6 – 8 ára börnin fá að auki að taka þátt að vori í sýningarhópi á dansmóti og 9 – 12 ára fara sýna og keppa dansmótum þegar þau eru tilbúin til þess. 

Keppnishópar æfa 3x í viku og fara á 4 – 6 mót á vetri.  Farið verður í æfingabúðir eina helgi og sprellað á skautum og sundi.

Fullorðinshóparnir eru 3 og eru æfingar 1 sinni í viku.  Byrjendum er fylgt í gegnum fyrstu sporin og eftir því sem færnin eykst þá styrkist sjálfstraustið og gleðin verður alls ráðandi.  Framhald 1 er fyrir þau sem treysta sér í áframhaldandi viðbót við dansana.  Framhald 2 er svo fyrir pör sem stefna á keppni í mótum.  Slegið verður upp dansiballi í lok annar með öllum fullorðinshópum.

Latin fittness er nýlunda hjá okkur og er fín leið til að dansa sig í form.    Hress suðræn latin tónlist og taktar hrista húsið í klukkutíma 2 sinnum  í viku.  Zumbapartý verður svo á miðjum vetri.  Tímarnir eru ætlaðir öllum 18 ára og eldri. 

Hittumst hress í vetur.