ÍR er að leita að íþróttafræðing eða þjálfara með reynslu fyrir 3-6 ára börn í Íþróttaskóla ÍR

 Íþróttaskólinn er starfræktur á veturna, frá septemberbyrjun og fram í miðjan maí. Um er að þrjá hópa (tvo 3-4 ára og einn 5-6 ára). Einn hópur er á laugardagsmorgnum en hinir tvo seinniparta í miðri viku. Hver tími er 45 mínútur. Aðstaðan er í íþróttasal að Skógarseli 12, 109 Reykjavík.
Í Íþróttaskólanum reyna börn á jafnvægi, fín- og grófhreyfingar, samhæfingu og líkamlegan þroska sem og félagslegan. Þau læra að bera virðingu fyrir öðrum og vinna saman. Skynfærin þarf einnig að örva og samhæfa og í leikfimi sem þessari reynir á þau öll. Nánari upplýsingar veitir Sigrún íþróttafulltrúi ÍR í síma 864-0061 eða sigrun@ir.is