Foreldrafundur Dansdeildar 13. mars kl. 12:00 - 13:00

Farið verður yfir næstu vikur varðandi kennslu og keppnir eldri hópa sem og sýningu 6 - 9 ára þann 20. mars nk.
Skoðaðar klæðareglur DSÍ.
Skipulögð vorferð líkt og skautaferðin í vetur og vorhátíðar fyrir yngstu börnin.
Rætt um fyrirkomulag Dansdeildar og það sem ræða þarf á aðalfundi.
Kær kveðja.
Sigrún Tinna og Elfa á skrifstofunni.

Nýjungar á heimasíðu ÍR

Að undanförnu hefur verið unnið að breytingum hér á heimasíðu ÍR. Þessar breytingar
felast meðal annars aðgengilegri skiptimarkaði og athugasemdakerfi.

Frístundakortið og greiðsluseðlar hjá ÍR

Núna hafa greiðsluseðlar verið sendir út fyrir handboltadeild, knattspyrnudeild, körfuboltadeild, júdódeild og keiludeild og eru á gjalddaga/eindaga 5. febrúar.
Dansdeild, frjálsar, skíðadeild og Tae kwon do deild eru ennþá með opið í Frístundakortinu næstu vikuna og greiðsluseðlar verða sendir út fyrir næstu mánaðarmót á gjalddaga/eindaga 1. mars.

Auglýst hefur verið í tölvupósti til allra deilda og flokka með fyrirkomulag innheimtu vorannar frá því í desember og ætti því ekki að koma á óvart lokun Frístundakorts og greiðsluseðlar.

Þótt Frístundakortið sé lokað í Rafrænni Reykjavík þá er ekki of seint að ráðstafa styrknum því aðeins þarf eitt símtal við mig og málið er leyst.
Þá er sjálfsagt að skipta greiðslum á kreditkort sé þess óskað.
Þau börn sem koma í félagið eftir að greiðsluseðlar fara út eru sett í Frístundakortið um leið og þau eru skráð, og fyrir annarlok sendi ég  greiðsluseðla á þau börn sem nýta það ekki.

Með kærri þökk.

Elfa á skrifstofunni
s. 587 7090.

Break og HIP HOP dansnámskeið að byrja í ÍR heimilinu

Break og HIP HOP dansnámskeið að byrja í ÍR heimilinu!!
ATH. Við tökum Frístundakortið!!

HIP HOP fyrir stelpur (8-12 ára)
HIP HOP og Michael Jackson fyrir stráka (8-12 ára)
HIP HOP fyrir bæði stelpur og stráka (13 ára og eldri)
BREAK fyrir bæði stráka og stelpur (6-12 ára)
BREAK fyrir bæði stráka og stelpur (13 ára og eldri)

Skráning og upplýsingar hjá Hrafnhildi í s:822-6325 og á www.natasha.is

ÍR endurnýjar samninga

Nú hefur ÍR endurnýjað samninga við tvo af þeim aðilum sem samið var við árið 2009 en þetta er Sporthúsið og Olís.

Eldri iðkendur félagsins hafa því tækifæri á að æfa í Sporthúsinu með sama sniði og árið 2009. Þjálfarar eða stjórnarfólk er beðið um að panta fyrir viðkomandi aðila í gegnum Hörð framkvæmdastjóra og Hörður sendir beiðni áfram í Sporthúsið. Þess skal getið að Hörður mun fylgjast með því að þeir sem fá kort séu að nýta það, annars geta þeir aðilar sem ekki nýta kortið misst af áframhaldandi styrk.

Samningur við Olís gildir fyrir árið 2010 og er hann með sama sniði og árið 2009. Við hvetjum því alla ÍR-inga að beina viðskiptum sínum til Olís. Þeir hafa marga möguleika þegar kemur að fjáröflunarleiðum og bið ég ykkur um að vera í sambandi við Ingólf markaðsfulltrúa ÍR hvað það varðar.

Hörður, framkvæmdastjóri

Frábærir haustmánuðir að baki og ennþá skemmtilegri mánuðir framundan.

 

Dansdeild ÍR fékk í haust í sínar raðir Sigrúnu Tinnu Gunnarsdóttur þjálfara.

Hún tók við deildinni af myndar brag eins og starfið í deildinni ber með sér.

Í fyrstu danskeppni vetrarins stóðu  ÍR – ingar sig vel og var árangurinn glæsilegur.  Karólína Rut og Alexandra Líf unnu gull í standard dönsum og brons í Latin í flokki Unglingar II.   Erna Margrét og Lilja Rós komust í úrslit og lentu í 8. sæti.

Þá tók við Íslandsmeistaramótið í gömludönsunum og kepptu þar 8 pör frá ÍR og fengu Karólína Rut og Alexandra Líf þar Íslandsmeistaratitil.

Haldið var glæsilegt jólaball þar sem Sveinki kom færandi hendi og hreif með sér ungviðið í deildinni í söng og dans.

Foreldrafélagið stóð fyrir skautaferð í Skautahöllina fyrir eldri nemendur og var glæsilegu smákökuhlaðborði og kakói vel tekið af stelpunum.

Stefnt er að þátttöku í öllum mótum á árinu, öskudagsball og spennandi óvissuferð fyrir eldri nemendur svo allir ættu að hlakka til.

Þá er Sigrún Tinna að vinna náið með þeim börnum sem keppa á mótum og styrkir það þau mjög.

Skiptimarkaður

ÍR hefur komið á laggirnar skiptimarkaði hér á heimasíðunni. Neðst í vinstra tréi undir hverri deild má sjá skiptimarkaðinn. Til að auglýsa eða óska eftir vörum, búnaði eða öðru tengdu viðkomandi íþróttagrein þarf að senda póst á markaðsfulltrúa ÍR, ingolfur@irsida.is.
Vonast ÍR til að þessu framtaki verði vel tekið og geri ÍR-ingum kleift að nálgast ódýran íþróttavarning.

Tilnefningar á íþróttamanni og konu ÍR árið 2009

Búið er að velja þá einstaklinga sem koma ti l greina sem íþróttamaður og kona ÍR fyrir árið 2009. Tilnefningarnar má sjá með því að smella á meira. Sjálft kjörið fer fram sunnudaginn 3.janúar 2010 kl. 14:00.
Á myndinni má sjá Jóhönnu og Sveinbjörn, íþróttakonu og mann ÍR árið 2008.

Gjafabréf

Fyrir þá sem ekki vita hvað þeir eiga að gefa börnum sínum eða öðrum ÍR-ingum í jólagjöf er tilvalið að kaupa gjafabréf á skrifstofu ÍR. Viðkomandi ákveður þá í hvaða deild gjafabréfið er og hversu há upphæðin er. Endilega komið þessari hugmynd áfram til afa og ömmu og annarra ættingja sem eru í vandræðum með jólagjafirnar í ár.

Niðurstöður rannsókna á ánægju iðkenda ÍR kynntar -Ánægjuvog

Kynningarfundur á ánægjuvog ÍR verður haldinn á 2.hæð ÍR heimilis þriðjudaginn 15.desember kl.12:00-13:00.

ÍBR í samstarfi við Viðar Halldórsson, íþróttafélagsfræðing úr HR, hefur hrint í framkvæmd verkefni sem snýr að því að auka ánægju iðkenda af starfinu.
Verkefnið snýst að megninu til um tvo þætti:
1.     Ánægjukönnun meðal iðkenda hverfafélaganna. Rannsókn þessi var lögð fyrir í nóv.'09 hjá 13-15 ára iðkendum ÍR og verða nú kynntar niðurstöður.
2.     Leiðarvísir félaganna verður gefin út, ætlaður þjálfurum fyrst og fremst.
Við viljum sjá þig á fundinum 15.des.