Leikur hjá meistaraflokki karla

Laugardaginn 4.september fara strákarnir í meistaraflokki karla í heimsókn til Víkinga. ÍR er sem stendurí fimmta sæti 1.deildar með 29 stig eftir 19 leiki. Víkingar eru í öðru sæti með 39 stig eftir 19 leiki.

Þetta verður því án efa hörkuslagur milli tveggja góðra fótboltaliða. Mætum á völlinn og styðjum ÍR. ÁFRAM ÍR!

Víkingur - ÍR kl.14:00 á Víkingsvelli

Kvennaleikfimi og Yogafitness byrja fimmtudaginn 2.sept

Kvennaleikfimi er fjölbreitt líkamsþjálfun og leikfimi fyrir konur á öllum aldri, þar sem áhersla er lögð á góðar æfingar og tónlist. Svava Ýr Baldvinsdóttir íþróttakennari sér um tímana.
Stakur mánuður kostar 3.000 kr. og 4 mánuðir kosta 10.000 kr.
Allar konur eru velkomnar að koma í tíma og prófa.
Frekari upplýsingar og skráning eru hjá Svövu í síma 772-9469, netfang: sva@fb.is.

Yogafitness býður uppá einstakar jóga- og pilatesæfingar. Styrktaræfingar fyrir djúpvöðva líkamans og sérstök áhersla lögð á kvið- og bakvöðva, krefjandi teygju- og jafnvægisæfingar og góð slökun í lok tímans. Tími fyrir fólk á öllum aldri. Frábært til bæta styrk, auka liðleika og minnka stress.
Þriðjudaga 21:00 og fimmtudaga 19:30
ÍR heimilinu Skógarseli 12
Haustönnin hefst 2. september 2010
Kennari er Ásdís Halldórsdóttir
Haustönn: 15.500 kr

Dansdeild ÍR fagnar tíunda starfsári sínu

Í tilefni þess að tíunda starfsár dansdeildar ÍR er að renna upp býður dansdeild ÍR öllum pörum sem skrá sig sem iðkendur hjá dansdeild ÍR 50% afslátt af æfingagjöldum ef þau skrá sig   saman. *

Dansdeild ÍR er stolt af því að geta boðið upp á sama verð og í fyrra. Það var ódýrt að æfa dans hjá okkur en ef par skráir sig saman lækka æfingagjöldin um 50% að auki.

Hjá okkur starfa frábærir þjálfarar og góða skapið er ávalt nærri. Eins og alltaf er gleði og gaman í fyrirrúmi. Dansdeildin byrjar laugardaginn 4.september.

*Þetta á við um iðkendur eldri en þriggja ára. Tilboðið gildir ekki um Breik, Hiphop, Freestyle og keppnishópa.

Æfingartöflur í gildi

Æfingatöflur eru komnar á forsíðu heimasíðu ÍR og síður deilda, undir rauðum flipa "Æfingatöflur og gjöld". Allar taka þær gildi 1.sept. nema Dans sem byrjar laugardaginn 4.september og Keila og Íþróttaskóli 3-6 ára sem hefst mánudaginn 6.september.
Hafa ber í huga að íþróttahús Seljaskóla er lokað í september og þangað til við komumst með æfingar þangað inn taka vissar deildir á sig skerðingu. Æfingatöflur körfu og handbolta eru því tvískiptar.
Knattspyrnutímabilinu lýkur nú í sept. og ný vetrartafla hjá deildinni tekur gildi 1.okt. Hún kemur inn von bráðar.

Fótboltafjör hjá 8.flokki karla á Atlantismóti Aftureldingar í Mosfellsbæ 15.ágúst.

Yngstu iðkendur knattspyrnudeildarinnar tóku þátt í vinamóti í Mosfellsbæ sunnudaginn 15.ágúst síðastliðinn. Þetta er í fyrsta skipti sem ÍR sendir svo ungan hóp iðkenda í æfingamót, enda er markmið mótsins skýrt. Það eru engin úrslit skráð, leikmenn fá allir verlaun og mest lagt uppúr því að hafa það gaman og spila saman hina frábæru íþrótt knattspyrnu.

September æfingar knattspyrnudeildar 2010

Knattspyrnudeild ÍR

Kæru foreldrar/forráðamenn og iðkendur.               

 

Líkt og í fyrra þá breytast æfingar hjá öllum flokkum í september. Það verða einungis tvær æfingar í viku frá 6.september til og með 17.september. Þjálfarar flokkana munu vera í fríi og Halldór Þ. Halldórsson yfirþjálfari mun ásamt aðstoðarmönnum flokkanna stjórna æfingum þessar tvær vikur. Þann 18.september kl 11:30 verður uppskeruhátíð knattspyrnudeildar ÍR haldin í ÍR-heimilinu og eftir hana  er leikur hjá meistaraflokki karla á Valbjarnarvelli í Laugardal kl 14:00.
Vinsamlegast takið daginn frá!

Eftir uppskeruhátiðina verður frí hjá öllum iðkendum knattspyrnudeildarinnar til og með 03.október. Við hefjum svo nýtt starfsár 4.október og iðkendur sem núna eru á eldra ári færast upp í næsta aldurs flokk.

Norðurlandameistaramót 19 ára og yngri, Arna Stefanía Guðmundsdóttir Norðurlandameistari

Arna Stefanía Guðmundsdóttir varð rétt í þessu 3. íslenski Norðurlandameistari dagsins þegar hún sigraði glæsilega í 400m hlaupi á tímanum 56,46 sek og bætti sig um 20/100 sek. Sú í öðru sæti hljóp á 57,20 sek en húná best 56,61 sek. Frábær árangur hjá Örnu Stefaníu sem fór inn í keppnina með þriðja lakasta tímann. Til hamingju !

Norðurlandameistaramót 19 ára og yngri, Hulda Þorsteinsdóttir Norðurlandameistari

Rétt í þessu varð Hulda Þorsteinsdóttir Norðurlandameistari í stangarstökki með 3,88m eftir harða keppni við Jatta Samela frá Finnlandi þar sem Hulda fór yfir 3,88m í 2. tilraun á meðan Jatta þurfti til þess 3 tilraunir.  Þær felldu svo báðar 3,98 m sem var næsta hæð. Þetta er besti árangur Huldu utanhúss en fyrir átti hún best 3.85m. Til hamingju Hulda og Þórey Edda frábær árangur við erfiðar aðstæður.

Íþróttastarf hjá ÍR í vetur

Nú fara margar deildir innan ÍR að taka við sér eftir sumarfrí og að vanda verður íþróttastarfið öflugt í vetur hjá ÍR en auk allra þeirra deilda sem eru innan ÍR bjóðum við einnig uppá Skokkhóp, leikfimi, íþróttaskóla fyrir börn svo eitthvað sé nefnt.Það má með sanni segja að hjá ÍR geti allir fundið eitthvað við sitt hæfi. Verið er að setja saman stundartöflurnar og verða þær allar komnar á netið í byrjun næstu viku en þær eru nú þegar flestar komnar inn.

Leikur hjá meistaraflokki karla í knattspyrnu

Laugardaginn 28.ágúst fá ÍR-ingar Þór í heimsókn. Þór er sem stendur í þriðja sæti deildarinnar með 34 stig en ÍR er í fimmta sæti með 29 stig. Það er því um toppslag að ræða. Þessi leikur er eins og gefur að skilja mikilvægur fyrir bæði lið og verður þetta því hörkuleikur milli tveggja sterkra liða. Leikurinn hefst klukkan 14:00 á ÍR-velli og það er ekkert því til fyrirstöðu fyrir fólk að mæta á völlinn og styðja við ÍR.
ÍR – Þór, kl.14:00 á ÍR-velli.. ÁFRAM ÍR!